ന്യൂഡല്ഹി: പഴം ഇറക്കുമതിയുടെ മറവില് രാജ്യത്തേക്ക് വന്തോതില് മയക്കു മരുന്ന് ഇറക്കുമതി ചെയ്ത സംഭവത്തില് മലയാളി അറസ്റ്റില്.
വിജിന് വര്ഗീസ് എന്നയാളാണ് ഡി.ആര്.ഐയുടെ പിടിയിലായത്. സെപ്റ്റംബര് 30ന് 1470 കോടി രൂപയുടെ ലഹരി മരുന്നുമായി ട്രക്ക് പിടികൂടിയിരുന്നു. 198 കിലോ മെത്തും 9 കിലോ കൊക്കെയ്നുമാണ് പിടികൂടിയത്.
ഇറക്കുമതി ചെയ്ത ഓറഞ്ചുകള് എന്നായിരുന്നു രേഖകളില് കാണിച്ചിരുന്നത്. വിജിന് ഉടമയായ കമ്പനിയുടെ പേരിലാണ് ഇതെത്തിയത്. വിജിന്റെ കൂട്ടാളി മന്സൂര് തച്ചാംപറമ്പിനായി ഡി.ആര്.ഐ തിരച്ചില് നടത്തുകയാണ്. മോര് ഫ്രഷ് എക്സ്പോര്ട്ട് ഉടമയാണ് മന്സൂര് തച്ചാംപറമ്പ്. ലഹരിക്കടത്തില് 70 ശതമാനം ലാഭം വിജിനും 30 ശതമാനം മന്സൂറിനുമെന്ന തരത്തിലാണ് ഇടപാടെന്ന് ഡി.ആര്.ഐ വ്യക്തമാക്കി. മാസ്ക് ഇറക്കുമതിയും സ്ഥാപനം നടത്തിയിരുന്നു. ഇതിന്റെ മറവിലും ലഹരിക്കടത്ത് നടന്നോയെന്ന് പരിശോധിക്കുന്നുണ്ട്.