ഏഷ്യാ കപ്പ് റൈസിംഗ് സ്റ്റാര്‍സ്; സൂപ്പര്‍ ഓവറിനായി വൈഭവ് സൂര്യവംശിയെ അയയ്ക്കാത്തതിന്റെ കാരണം വെളിപ്പെടുത്തി ജിതേഷ് ശര്‍മ്മ
വൈഭവ് പവര്‍പ്ലേ ഓവറുകളില്‍ കൂടുതല്‍ ഫലപ്രദമാണെന്നും ഡെത്ത് ഓവറുകളില്‍ അശുതോഷിനെയും രമണ്‍ദീപിനെയും വിശ്വസിക്കാനായിരുന്നു തന്റെ തീരുമാനമെന്നും ക്യാപ്റ്റന്‍;
ദോഹ: വെള്ളിയാഴ്ച ബംഗ്ലാദേശ് എയ്ക്കെതിരായ ഏഷ്യാ കപ്പ് റൈസിംഗ് സ്റ്റാര്‍സ് 2025 സെമിഫൈനലില്‍ സൂപ്പര്‍ ഓവറിനായി വൈഭവ് സൂര്യവംശിയെ അയയ്ക്കാത്തതിന്റെ കാരണം വ്യക്തമാക്കി ഇന്ത്യ എ ക്യാപ്റ്റന്‍ ജിതേഷ് ശര്‍മ്മ. രാമന്‍ദീപ് സിംഗിനൊപ്പം ജിതേഷ് ബാറ്റ് ചെയ്യാന്‍ ഇറങ്ങിയെങ്കിലും ആദ്യ പന്തില്‍ തന്നെ ഡക്ക് ആയി. പിന്നാലെ അശുതോഷ് ശര്‍മ്മയും എത്തി. സൂപ്പര്‍ ഓവറില്‍ ഇന്ത്യ ഒരു റണ്‍സ് പോലും നേടാനാകാതെ വന്നതോടെ അദ്ദേഹത്തിന് ഒരു പന്ത് മാത്രമേ അതിജീവിക്കാന്‍ കഴിഞ്ഞുള്ളൂ.
മറുപടിയായി, ബംഗ്ലാദേശിന് ഒരു വിക്കറ്റ് നഷ്ടമായെങ്കിലും വിജയം നേടാനും ഉച്ചകോടിയില്‍ സ്ഥാനം നേടാനും കഴിഞ്ഞു. തോല്‍വിക്ക് ശേഷം, മത്സരത്തില്‍ മികച്ച ഫോമില്‍ നില്‍ക്കുന്ന 14 കാരനായ വൈഭവ് സൂര്യവംശിയെ ബാറ്റിംഗിന് അയക്കാത്തതിനെതിരെ ഒരുപാട് വിമര്‍ശനങ്ങള്‍ ഉയര്‍ന്നിരുന്നു. ഇതിനോട് പ്രതികരിക്കുകയായിരുന്നു ക്യാപ്റ്റന്‍ ജിതേഷ് ശര്‍മ്മ.
15 പന്തില്‍ നിന്ന് 38 റണ്‍സ് നേടിയ വൈഭവ് പവര്‍പ്ലേ ഓവറുകളില്‍ കൂടുതല്‍ ഫലപ്രദമാണെന്നും ഡെത്ത് ഓവറുകളില്‍ മികച്ചുനില്‍ക്കുന്ന അശുതോഷിനെയും രമണ്‍ദീപിനെയും വിശ്വസിക്കാനായിരുന്നു തന്റെ തീരുമാനമെന്നും ജിതേഷ് ശര്‍മ പ്രതികരിച്ചു.
'ടീമില്‍, വൈഭവും പ്രിയാന്‍ഷും പവര്‍പ്ലേയില്‍ പ്രാവീണ്യമുള്ളവരാണ്, എന്നാല്‍ ഡെത്ത് ഓവറുകളില്‍, ആഷുവും രാമനും ഇഷ്ടാനുസരണം ബാറ്റ് ചെയ്യാന്‍ കഴിയും. അതിനാല്‍ സൂപ്പര്‍ ഓവര്‍ ലൈനപ്പ് ഒരു ടീം തീരുമാനമായിരുന്നു, ഞാന്‍ അന്തിമ തീരുമാനം എടുത്തു,' എന്നായിരുന്നു മത്സരശേഷം നടന്ന അവതരണ ചടങ്ങില്‍ ജിതേഷ് പറഞ്ഞത്.
സൂപ്പര്‍ ഓവറില്‍ ജിതേഷ് ശര്‍മയും രമണ്‍ദീപ് സിങ്ങുമായിരുന്നു ഇന്ത്യയ്ക്കായി കളിക്കാനിറങ്ങിയത്. ആദ്യ പന്തില്‍ ജിതേഷ് ശര്‍മ പുറത്തായപ്പോള്‍ അശുതോഷ് ശര്‍മ പിന്നാലെയിറങ്ങി. രണ്ടാം പന്തില്‍ അശുതോഷും ഔട്ടായതോടെ ഇന്ത്യ 'പൂജ്യത്തിന്' ബാറ്റിങ് അവസാനിപ്പിക്കേണ്ടിവന്നു.
മത്സരത്തില്‍ ആദ്യം ബാറ്റു ചെയ്ത ബംഗ്ലാദേശ് 195 റണ്‍സ് വിജയലക്ഷ്യം ഉയര്‍ത്തി. മറുപടി ബാറ്റിംഗിനിറങ്ങിയ ഇന്ത്യ 20 ഓവറില്‍ ആറു വിക്കറ്റ് നഷ്ടത്തില്‍ 194 റണ്‍സ് എടുത്തു. സൂപ്പര്‍ ഓവറിലെ മോശം പ്രകടനം ഇന്ത്യയെ തോല്‍വിയിലേക്കു തള്ളി വിടുകയായിരുന്നു. അവസാന രണ്ടോവറുകളില്‍ 21 റണ്‍സാണ് ഇന്ത്യയ്ക്ക് ജയിക്കാന്‍ വേണ്ടിയിരുന്നത്. 19ാം ഓവറില്‍ അഞ്ചു റണ്‍സ് മാത്രമാണ് ഇന്ത്യന്‍ ബാറ്റര്‍മാര്‍ നേടിയത്. 20ാം ഓവറില്‍ ഒരു സിക്‌സും ഫോറും ബൗണ്ടറി കടത്തിയ അശുതോഷ് ശര്‍മ ഇന്ത്യയ്ക്കു പ്രതീക്ഷ നല്‍കി. എന്നാല്‍ റാക്കിബുല്‍ ഹസന്റെ അഞ്ചാം പന്തില്‍ അശുതോഷ് പുറത്തായി. ഇതോടെ അവസാന പന്തില്‍ ഇന്ത്യയ്ക്ക് ജയിക്കാന്‍ വേണ്ടത് നാല് റണ്‍സ്. ഹര്‍ഷ് ദുബെ നേരിട്ട അവസാന പന്തില്‍ മൂന്ന് റണ്‍സ് ഓടിയെടുത്തതോടെ മത്സരം സൂപ്പര്‍ ഓവറിലേക്ക് നീണ്ടു.
എന്നാല്‍ സൂപ്പര്‍ ഓവറില്‍ ഇതേ പ്രകടനം ആവര്‍ത്തിക്കാന്‍ ഇന്ത്യയ്ക്ക് സാധിച്ചില്ല. റിപ്പോണ്‍ മൊണ്ടലിന്റെ ആദ്യ രണ്ടു പന്തുകളില്‍ ക്യാപ്റ്റന്‍ ജിതേഷ് ശര്‍മയും അശുതോഷ് ശര്‍മയും പുറത്തായി. ഇതോടെ സൂപ്പര്‍ ഓവറില്‍ ബംഗ്ലാദേശിന് ജയിക്കാന്‍ വേണ്ടത് ഒരു റണ്‍. മറുപടി ബാറ്റിങ്ങില്‍ സുയാഷ് ശര്‍മയുടെ ആദ്യ പന്തില്‍ ബംഗ്ലാദേശ് ബാറ്റര്‍ യാസിര്‍ അലി പുറത്തായെങ്കിലും രണ്ടാം പന്ത് സുയാഷ് വൈഡെറിഞ്ഞു. ഇതോടെ ബംഗ്ലാദേശ് ഫൈനല്‍ ഉറപ്പിക്കുകയും ചെയ്തു.