സയ്യിദ് മുഷ്താഖലി ടൂര്‍ണമെന്റ്: മുഹമ്മദ് അസ്ഹറുദ്ദീന്‍ 9-ാം തവണയും കേരള ടീമില്‍
By : Sub Editor
Update: 2024-11-22 06:23 GMT
മുഹമ്മദ് അസ്ഹറുദ്ദീന്‍
കാസര്‍കോട്: ശനിയാഴ്ച മുതല്‍ ഡിസംബര്‍ 3 വരെ ഹൈദരാബാദില്‍ നടക്കുന്ന സയ്യിദ് മുഷ്താഖലി ടി20 ക്രിക്കറ്റ് ടൂര്‍ണമെന്റിലേക്കുള്ള കേരള സീനിയര്‍ ടീമില്‍ കാസര്‍കോട് തളങ്കര സ്വദേശി മുഹമ്മദ് അസ്ഹറുദ്ദീന്‍ ഇടം നേടി. വിക്കറ്റ് കീപ്പര്‍ ബാറ്റ്‌സ്മാനായ മുഹമ്മദ് അസ്ഹറുദ്ദീന്‍ ഒമ്പതാം തവണയാണ് സയ്യിദ് മുഷ്താഖലി ടി20 ക്രിക്കറ്റ് ടൂര്‍ണമെന്റിലേക്കുള്ള കേരള ടീമില്‍ ഇടം നേടുന്നത്. സഞ്ജു സാംസണാണ് ടീമിനെ നയിക്കുന്നത്. മുഹമ്മദ് അസ്ഹറുദ്ദീനെ കാസര്‍കോട് ജില്ലാ ക്രിക്കറ്റ് അസോസിയേഷന്‍ അഭിനന്ദിച്ചു.