കാസര്‍കോട്: റോഡ് പ്രവൃത്തിയുടെ ഭാഗമായി കാസര്‍കോട് പ്രസ് ക്ലബ് ജംഗ്ഷനില്‍ ഫ്രീ ലെഫ്റ്റ് വഴിയുള്ള ഗതാഗതം പൂര്‍ണമായും നിരോധിച്ചു. സെപ്തംബര്‍ 25 മുതല്‍ ഒക്ടോബര്‍ 15 വരെയാണ് ഇതുവഴിയുള്ള വാഹനഗതാഗതം തടഞ്ഞത്. പ്രസ് ക്ലബ് ജംഗ്ഷന് തൊട്ടടുത്തുള്ള എച്ച് പി ഗ്യാസ് ഷോപ്പ് മുതല്‍ കിഡ്‌സ് ഗോള്‍ഡ് ജ്വല്ലറി വരെയുള്ള ഫ്രീ ലെഫ്റ്റ് ഭാഗത്താണ് തകര്‍ന്ന റോഡ് നന്നാക്കുന്ന പ്രവൃത്തി നടത്തുന്നത്. ഗതാഗത നിയന്ത്രണം പാലിക്കണമെന്ന് പൊതുമരാമത്ത് നിരത്ത് വിഭാഗം അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ അറിയിച്ചു.