റോഡരികില്‍ നില്‍ക്കുകയായിരുന്ന വയോധികയ്ക്ക് കാറിടിച്ച് പരിക്ക്
വല്ലപ്പാട്ട് ഹൗസില്‍ അന്നമ്മ ജോസഫിനാണ് പരിക്കേറ്റത്.;
By : Online correspondent
Update: 2025-04-29 04:41 GMT
ബന്തടുക്ക: റോഡരികില്‍ നില്‍ക്കുകയായിരുന്ന വയോധികയ്ക്ക് കാറിടിച്ച് പരിക്കേറ്റു. പടുപ്പ്- ശങ്കരമ്പാടി റോഡിലെ മായിപ്പാടി കവലയില്‍ നില്‍ക്കുകയായിരുന്ന വല്ലപ്പാട്ട് ഹൗസില്‍ അന്നമ്മ ജോസഫി(72)നാണ് പരിക്കേറ്റത്.
ഉടന്‍ തന്നെ അന്നമ്മയെ ബന്ധുക്കളും സമീപവാസികളും ചേര്‍ന്ന് ആസ്പത്രിയില്‍ പ്രവേശിപ്പിച്ചു. പരിക്ക് ഗുരുതരമല്ലെന്നാണ് അറിയുന്നത്. സംഭവത്തില്‍ കാര്‍ ഡ്രൈവര്‍ക്കെതിരെ ബേഡകം പൊലീസ് കേസെടുത്തു.