ലോറിയിടിച്ച് വെയര്‍ഹൗസ് ഉപകരണങ്ങളുടെ പൈപ്പും മതില്‍ക്കെട്ടും തകര്‍ന്നു; ഡ്രൈവര്‍ക്കെതിരെ കേസ്
10 ലക്ഷം രൂപയുടെ നഷ്ടം സംഭവിച്ചതായി അധികൃതര്‍;
By : Online correspondent
Update: 2025-10-07 06:17 GMT
കാഞ്ഞങ്ങാട്: ലോറിയിടിച്ച് വെയര്‍ഹൗസ് ഉപകരണങ്ങളുടെ പൈപ്പും മതില്‍ക്കെട്ടും തകര്‍ന്നു. കഴിഞ്ഞ ദിവസം ഉച്ചയോടെ പുതിയകോട്ടയിലെ സെന്‍ട്രല്‍ വെയര്‍ ഹൗസിംഗ് കോര്‍പ്പറേഷന്റെ കെട്ടിട സമുച്ചയത്തില്‍ സ്ഥാപിച്ച ഫയര്‍ ഫൈറ്റിംഗ് ഉപകരണങ്ങളുടെ പൈപ്പും മതില്‍ക്കെട്ടുമാണ് കെ.എല്‍ 60 എ-6047 നമ്പര്‍ ലോറിയിടിച്ച് തകര്‍ന്നത്.
അപകടത്തില്‍ 10 ലക്ഷം രൂപയുടെ നഷ്ടം സംഭവിച്ചതായി അധികൃതര്‍ പറയുന്നു. സംഭവത്തില്‍ വെയര്‍ഹൗസ് മാനേജര്‍ ദീപക് ബി വര്‍മ്മയുടെ പരാതിയില്‍ ലോറി ഡ്രൈവര്‍ കാസര്‍കോട് സ്വദേശി അര്‍ഷാദിനെതിരെ ഹൊസ്ദുര്‍ഗ് പൊലീസ് കേസെടുത്തു.