വൃക്ക സംബന്ധമായ അസുഖത്തെ തുടര്‍ന്ന് ചികിത്സയിലായിരുന്ന കണ്ടക്ടര്‍ മരിച്ചു
ബുര്‍ഡടുക്കയിലെ ഉദയകുമാര്‍ ആണ് മരിച്ചത്;
By : Online correspondent
Update: 2025-10-15 07:42 GMT
നീര്‍ച്ചാല്‍: വൃക്ക സംബന്ധമായ അസുഖത്തെ തുടര്‍ന്ന് ചികിത്സയിലായിരുന്ന കണ്ടക്ടര്‍ മരിച്ചു. ഏണിയര്‍പ്പിന് സമീപം ബുര്‍ഡടുക്കയിലെ ഉദയകുമാര്‍(56) ആണ് മരിച്ചത്. കുമ്പള -മുള്ളേരിയ റൂട്ടില്‍ സര്‍വ്വീസ് നടത്തുന്ന ഗുരുവായൂരപ്പന്‍ ബസിലെ കണ്ടക്ടറായിരുന്നു. നേരത്തെ കാസര്‍കോട്-തലപ്പാടി റൂട്ടിലും ജോലി ചെയ്തിരുന്നു. ശ്വാസ തടസ്സം അനുഭവപ്പെട്ടതിനെ തുടര്‍ന്ന് കഴിഞ്ഞ ദിവസം മംഗളൂരുവിലെ സ്വകാര്യ ആസ്പത്രിയില്‍ പ്രവേശിപ്പിച്ചതായിരുന്നു.
ചൊവ്വാഴ്ച ഉച്ചയോടെ ആസ്പത്രിയില്‍ വെച്ച് മരണം സംഭവിച്ചു. പരേതരായ ഡ്രൈവര്‍ ബാലകൃഷ്ണന്റെയും പത്മാവതിയുടെയും മകനാണ്. ഭാര്യ: പൂര്‍ണ്ണിമ. മക്കള്‍: പ്രണവ്, വിസ്മയ. സഹോദരങ്ങള്‍: വിനോദ, നാരായണ, അജിത് കുമാര്‍ (ഡ്രൈവര്‍).