കാട്ടുപന്നി റോഡിന് കുറുകെ ചാടി ബൈക്ക് യാത്രക്കാരന് പരിക്ക്
ബാഡൂരിലെ മല്ലേശ പൂജാരിക്കാണ് പരിക്കേറ്റത്;
By : Online correspondent
Update: 2025-08-04 05:32 GMT
പുത്തിഗെ: കാട്ടുപന്നി റോഡിന് കുറുകെ ചാടി ബൈക്ക് യാത്രക്കാരന് പരിക്കേറ്റു. ബാഡൂരിലെ മല്ലേശ പൂജാരി(48)ക്കാണ് പരിക്കേറ്റത്. ശനിയാഴ്ച രാത്രി വിട് ളയിലെ ഭാര്യ വീട്ടിലേക്ക് ബൈക്കില്‍ സഞ്ചരിക്കുന്നതിനിടെ അതിര്‍ത്തി പ്രദേശമായ കുട് ത്തമൊഗേറിലാണ് അപകടം. റോഡിന് കുറുകെ ചാടിയ പന്നി ബൈക്കിനെ കുത്തി വീഴ്ത്തുകയായിരുന്നു.
ഇതോടെ റോഡിലേക്ക് തെറിച്ചു വീണ മല്ലേശിന്റെ കാലിന് ഗുരുതരമായി പരിക്കേറ്റു. ആദ്യം വിട് ളയിലെ ആശുപത്രിയിലും പരിക്ക് ഗുരുതരമായതിനാല്‍ പിന്നീട് മംഗളൂരുവിലെ സ്വകാര്യ ആശുപത്രിയിലേക്കും മാറ്റി. കാലിന്റെ എല്ലിന് പൊട്ടല്‍ ഉള്ളതിനാല്‍ ശസ്ത്രക്രിയ വേണമെന്ന് ഡോക്ടര്‍മാര്‍ നിര്‍ദ്ദേശിച്ചതായി ബന്ധുക്കള്‍ പറഞ്ഞു.