കണ്ണൂര്‍: കണ്ണൂര്‍ അന്താരാഷ്ട്ര വിമാനത്താവളത്തില്‍ സ്വര്‍ണക്കടത്ത് പിടികൂടി. രണ്ട് പേരെ കസ്റ്റംസ് കസ്റ്റഡിയിലെടുത്തു. കാഞ്ഞങ്ങാട്, വടകര സ്വദേശികളാണ് പിടിയിലായത്. 84 ലക്ഷം രൂപയുടെ സ്വര്‍ണമാണ് ഇവരില്‍ നിന്ന് പിടികൂടിയത്. ഞായറാഴ്ച രാവിലെ ദുബായില്‍ നിന്നുള്ള വിമാനത്തിലാണ് ഇവര്‍ സ്വര്‍ണവുമായി കണ്ണൂരില്‍ എത്തിയത്.
വിമാനത്താവളത്തിലെ സുരക്ഷാ പരിശോധനയ്ക്കിടെയാണ് ഇവര്‍ പിടിയിലായത്. കഴിഞ്ഞ ദിവസവും കണ്ണൂര്‍ വിമാനത്താവളത്തില്‍ നിന്നും സ്വര്‍ണം പിടികൂടിയിരുന്നു. കഴിഞ്ഞ ഒരാഴ്ചയ്ക്കിടെ അഞ്ച് തവണ ഇവിടെ നിന്നും സ്വര്‍ണം പിടിച്ചെടുത്തതായാണ് കസ്റ്റംസില്‍ നിന്നും ലഭിക്കുന്ന വിവരം.
