30 പൊറോട്ടക്ക് കറി നല്‍കിയില്ലെന്നാരോപിച്ച് ഹോട്ടലുടമയെ സംഘം ചേര്‍ന്ന് മര്‍ദ്ദിച്ചു
കിനാനൂര്‍ ചോയ്യങ്കോട്ട് ഹോട്ടല്‍ നടത്തുന്ന ഉള്ളൂര്‍ സ്വദേശി എ ഖമറുദ്ദീനെയാണ് മൂന്നംഗസംഘം മര്‍ദ്ദിച്ചത്.;
By : Online correspondent
Update: 2025-05-03 04:17 GMT
നീലേശ്വരം: മുപ്പത് പൊറോട്ടക്ക് കറി നല്‍കിയില്ലെന്നാരോപിച്ച് ഹോട്ടലുടമയെ സംഘം ചേര്‍ന്ന് മര്‍ദ്ദിച്ചതായി പരാതി. കിനാനൂര്‍ ചോയ്യങ്കോട്ട് ഹോട്ടല്‍ നടത്തുന്ന ഉള്ളൂര്‍ സ്വദേശി എ ഖമറുദ്ദീ(61)നെയാണ് മൂന്നംഗസംഘം മര്‍ദ്ദിച്ചത്. വെള്ളിയാഴ്ച രാത്രി 9.30 മണിയോടെയാണ് സംഭവം.
ഹോട്ടലില്‍ ഭക്ഷണം കഴിക്കാനെത്തിയ സംഘം മുപ്പത് പൊറോട്ട വാങ്ങി. എന്നാല്‍ ഇതിനൊപ്പം കറി നല്‍കിയില്ലെന്നാരോപിച്ച് ഖമറുദ്ദീനെ മര്‍ദ്ദിക്കുകയായിരുന്നു. ഖമറുദ്ദീന്റെ പരാതിയില്‍ അരുണ്‍ രാജ് ഉള്‍പ്പെടെ മൂന്നുപേര്‍ക്കെതിരെ നീലേശ്വരം പൊലീസ് കേസെടുത്തു.