യാത്രയ്ക്കിടെ കെ.എസ്.ആര്‍.ടി.സി ബസ് ഡ്രൈവര്‍ക്ക് മര്‍ദ്ദനം; പ്രതിക്ക് വേണ്ടി അന്വേഷണം ഊര്‍ജിതമാക്കി പൊലീസ്
കുമ്പള ടൗണില്‍ വെച്ചാണ് മര്‍ദ്ദനമേറ്റത്;
By : Online correspondent
Update: 2025-10-28 06:16 GMT
കുമ്പള : യാത്രയ്ക്കിടെ കെ.എസ്.ആര്‍.ടി.സി ബസ് ഡ്രൈവര്‍ക്ക് മര്‍ദ്ദനം. തിങ്കളാഴ്ച ഉച്ചയോടെ കുമ്പള ടൗണില്‍ വെച്ചാണ് മര്‍ദ്ദനമേറ്റത്. ഒരാള്‍ ബസ് ഡ്രൈവര്‍ വിനോദിനോട് തട്ടിക്കയറുകയും പിന്നീട് തല്ലുകയുമായിരുന്നുവെന്ന് ദൃക്‌സാക്ഷികള്‍ പറയുന്നു. ബഹളം കേട്ട് ആള്‍ക്കാര്‍ കൂടുന്നതിനിടെ തല്ലിയ ആള്‍ ഓടി രക്ഷപ്പെടുകയും ചെയ്തു.
ഇതിനിടെ ഡ്രൈവര്‍ മൊബൈല്‍ഫോണില്‍ തന്നെ മര്‍ദ്ദിച്ചയാളുടെ ദൃശ്യം പകര്‍ത്തിയിരുന്നു. ഈ വീഡിയോ കുമ്പള പൊലീസിനെ ഏല്‍പ്പിച്ചു. വിനോദിന്റെ പരാതിയില്‍ കുമ്പള പൊലീസ് കേസെടുത്ത് പ്രതിക്കായി അന്വേഷണം ഊര്‍ജ്ജിതമാക്കി.