അബ്ദുള്‍ റഹീം വധക്കേസ്: അറസ്റ്റിലായ അഞ്ച് പ്രതികളെയും വിശദമായ ചോദ്യം ചെയ്യലിനായി പൊലീസ് കസ്റ്റഡിയില്‍ വിട്ടു
കൊലപാതകത്തില്‍ മറ്റാരെങ്കിലും ഉള്‍പ്പെട്ടിട്ടുണ്ടോ എന്ന് കണ്ടെത്താനുള്ള അന്വേഷണം പുരോഗമിക്കുകയാണ്;
ബണ്ട്വാള്‍: അബ്ദുള്‍ റഹീം വധക്കേസില്‍ അറസ്റ്റിലായ അഞ്ച് പ്രതികളെയും കൂടുതല്‍ അന്വേഷണത്തിനായി പൊലീസ് കസ്റ്റഡിയില്‍ വിട്ടു. കോള്‍ട്ടമ്മജലില്‍ നിന്നുള്ള അബ്ദുള്‍ റഹീമിന്റെ കൊലപാതകവും താലൂക്കിലെ കുര്‍ണിയാല്‍ ഗ്രാമത്തിലെ ഇരകൊടിയില്‍ ഖലന്ദര്‍ ഷാഫിയെ ആക്രമിച്ചതുമായി ബന്ധപ്പെട്ടാണ് കേസ്.
കുര്‍ണിയാല്‍ ഗ്രാമത്തിലെ മുണ്ട്രക്കൊടിയില്‍ നിന്നുള്ള ദീപക് (21), അമ്മുഞ്ചെയിലെ ശിവാജി നഗറില്‍ നിന്നുള്ള പൃത്വിരാജ് (21), ചിന്തന്‍ (19), തെങ്കബെല്ലൂരില്‍ നിന്നുള്ള സുമിത് ആചാര്യ (27), ബഡഗ ബെല്ലൂരില്‍ നിന്നുള്ള രവിരാജ് (23) എന്നിവരെയാണ് പൊലീസ് അറസ്റ്റ് ചെയ്തത്. ഇവരെ കോടതിയില്‍ ഹാജരാക്കിയ ശേഷം പൊലീസ് കസ്റ്റഡിയില്‍ വിട്ടു.
കൊലപാതകത്തില്‍ മറ്റാരെങ്കിലും ഉള്‍പ്പെട്ടിട്ടുണ്ടോ എന്ന് കണ്ടെത്താനുള്ള അന്വേഷണം പുരോഗമിക്കുകയാണ്. അന്വേഷണം പുരോഗമിക്കുന്നതിനനുസരിച്ച് കൂടുതല്‍ പേരെ കസ്റ്റഡിയിലെടുത്ത് ചോദ്യം ചെയ്യുമെന്ന് പൊലീസ് വൃത്തങ്ങള്‍ അറിയിച്ചു.