'നീ എന്നെ കടിച്ചാല്‍, ഞാന്‍ നിന്നെ കടിക്കും'; റോട്ട് വീലറിനൊപ്പം കളിക്കുന്ന വീഡിയോ പങ്കുവച്ച് നടി മഹിമാ നമ്പ്യാര്‍
വളര്‍ത്തുമൃഗങ്ങള്‍ക്കൊപ്പമുള്ള ചിത്രങ്ങളും വിഡിയോകളും നടി മഹിമ നമ്പ്യാര്‍ പതിവായി സമൂഹമാധ്യമങ്ങളില്‍ പങ്കുവയ്ക്കാറുണ്ട്. ഇതെല്ലാം ആരാധകര്‍ ഏറ്റുവാങ്ങാറുമുണ്ട്. അത്തരത്തില്‍ വളര്‍ത്തു നായ റോട്ട് വീലറിനൊപ്പം കളിക്കുന്ന വീഡിയോ പങ്കുവച്ചിരിക്കുകയാണ് നടി മഹിമാ നമ്പ്യാര്‍.
'നീ എന്നെ കടിച്ചാല്‍, ഞാന്‍ നിന്നെ കടിക്കും' എന്ന് പറഞ്ഞുകൊണ്ട് റോട്ട് വീലര്‍ ഇനത്തില്‍പ്പെട്ട നായയ്‌ക്കൊപ്പം കെട്ടിപ്പിടിച്ചു കളിക്കുന്ന വിഡിയോ ആണ് മഹിമ ഇപ്പോള്‍ പങ്കുവച്ചത്. വിഡിയോ സമൂഹ മാധ്യമങ്ങളില്‍ വൈറലാണ്.
മോണ്‍ടെ ക്രിസ്റ്റോ വോണാഞ്ച, ക്രിസ്റ്റന്‍ കാര്‍ള വോണാഞ്ച എന്നാണ് മഹിമയുടെ വളര്‍ത്തുനായ്ക്കളുടെ പേരുകള്‍. ക്രിസ്റ്റി, മോണ്‍ടി എന്നാണ് വിളിക്കുന്നത്.
രണ്ടു റോട്ട് വീലര്‍ ഇനത്തില്‍പ്പെട്ട നായ്ക്കളും 13 പൂച്ചകളുമാണ് മഹിമയ്ക്കുള്ളത്. പുട്ടും പഴവും പച്ചക്കറികളും തന്റെ വീട്ടിലെ റോട്ട് വീലറുകള്‍ക്ക് വളരെ ഇഷ്ടമാണെന്ന് മഹിമ നേരത്തെ ഒരു അഭിമുഖത്തില്‍ പറഞ്ഞിരുന്നു.
'റോട്ട് വീലറുകള്‍ ആയതിനാല്‍ ഷൂട്ടിന് പോകുമ്പോള്‍ വളര്‍ത്തുനായ്ക്കളെ കൂടെ കൂട്ടിക്കൊണ്ടു പോകാന്‍ കഴിയാറില്ല. അവരെ കണ്ടാല്‍ തന്നെ എല്ലാവരും പേടിക്കും. ഷിറ്റ്‌സ് പോലെയുള്ള നായ്ക്കളെയാണ് പല സെലിബ്രിറ്റികളും വളര്‍ത്താറുള്ളത്.
അവരെ യാത്രകളില്‍ കൂടെ കൂട്ടാന്‍ എളുപ്പമാണ്. പക്ഷേ, എനിക്കുള്ളത് രണ്ടു റോട്ട് വീലറുകളാണ്. അതുകൊണ്ട് അവരെ കൂടെ കൂട്ടാന്‍ കഴിയില്ല. രണ്ടു റോട്ട് വീലര്‍ നായ്ക്കള്‍ക്കൊപ്പമാണ് ഉറങ്ങാറുള്ളത്. അവര്‍ക്കൊപ്പം ഉറങ്ങുന്നത് എപ്പോഴും മിസ്സ് ചെയ്യും'- എന്നും മഹിമ പറഞ്ഞു.