ന്യൂഡല്ഹി: ഉമര് ഖാലിദിനും ഷര്ജില് ഇമാമിനും ജാമ്യമില്ല. ഡല്ഹി കലാപ ഗൂഢാലോചന കേസില് പ്രതികള്ക്കെതിരെ ശക്തമായ തെളിവുകള് ഉണ്ടെന്ന് നിരീക്ഷിച്ച് സുപ്രീംകോടതി ജാമ്യം നിഷേധിച്ചു. അതേസമയം, മറ്റ് അഞ്ച് പ്രതികള്ക്ക് സുപ്രീംകോടതി ജാമ്യം അനുവദിച്ചു. ഗുള്ഫിഷ ഫാത്തിമ, ഷിഫ ഉര് റഹ്മാന്, മീര ഹൈദര്, മുഹമ്മദ് സലീം ഖാന്, ഷദാബ് അഹമ്മദ് എന്നിവര്ക്കാണ് ജാമ്യം അനുവദിച്ചത്. ജസ്റ്റിസുമാരായ അരവിന്ദ് കുമാറും എന്.വി അഞ്ജരിയയുമുള്പ്പെട്ട ബെഞ്ചാണ് വിധി പുറപ്പെടുവിച്ചത്. ജാമ്യം നിഷേധിച്ച ഡല്ഹി ഹൈക്കോടതി ഉത്തരവിനെതിരെ നല്കിയ അപ്പീലുകളിലാണ് സുപ്രീംകോടതിയുടെ ഉത്തരവ്. 5 വര്ഷത്തിലേറെയായി പ്രതികള് കസ്റ്റഡിയിലാണ്. 2020ല് പൗരത്വ ഭേദഗതി നിയമത്തിനെതിരായ പ്രതിഷേധത്തിനിടെയുണ്ടായ കലാപത്തിനായി ഗൂഢാലോചന നടത്തിയെന്നാണ് ചുമത്തിയ കേസ്.