യു.പി.എസ്.സി സിവില്‍ സര്‍വീസ് ഫലം പ്രഖ്യാപിച്ചു; ശക്തി ദുബെയ്ക്ക് ഒന്നാം റാങ്ക്: തിളങ്ങി മലയാളികളും
അലഹാബാദ് സര്‍വകലാശാലയില്‍ നിന്നും ബയോകെമിസ്ട്രിയില്‍ ബിരുദം നേടിയതാണ് ശക്തി ദുബേ.;
ന്യൂഡല്‍ഹി: യു.പി.എസ്.സി സിവില്‍ സര്‍വീസ് ഫലം പ്രഖ്യാപിച്ചു. ഉത്തര്‍പ്രദേശ് പ്രയാഗ് രാജ് സ്വദേശി ശക്തി ദുബെയ്ക്ക് ആണ് ഒന്നാം റാങ്ക്. 1009 പേര്‍ക്കാണ് ഇത്തവണ സെലക്ഷന്‍ കിട്ടിയിരിക്കുന്നത്. ഹരിയാണ സ്വദേശി ഹര്‍ഷിത ഗോയല്‍, മഹാരാഷ്ട്ര സ്വദേശി ഡോംഗ്രേ അര്‍ച്ചിത് പരാഗ് എന്നിവര്‍ യഥാക്രമം രണ്ടും മൂന്നും റാങ്ക് നേടി. ആദ്യ 100 റാങ്കില്‍ മലയാളികളുണ്ട്.
ബി. ശിവചന്ദ്രന്‍(23), ആല്‍ഫ്രഡ് തോമസ്(33), ആര്‍. മോണിക്ക(39), പി.പവിത്ര(42), മാളവിക ജി.നായര്‍(45)), ജി.പി.നന്ദന(47), സോണറ്റ് ജോസ്(54), റീനു അന്ന മാത്യു(81), ദേവിക പ്രിയദര്‍ശിനി(95) തുടങ്ങിവരാണ് ആദ്യ 100 റാങ്കിനുള്ളില്‍ ഇടംനേടിയ മലയാളികള്‍.
ഡോംഗ്രേ അര്‍ച്ചിത് പരാഗ് തിരുവനന്തപുരം എന്‍ലൈറ്റ് അക്കാദമിയില്‍ നിന്നാണ് പരിശീലനം നേടിയത്. അലഹാബാദ് സര്‍വകലാശാലയില്‍ നിന്നും ബയോകെമിസ്ട്രിയില്‍ ബിരുദം നേടിയതാണ് ശക്തി ദുബേ. പൊളിറ്റിക്കല്‍ സയന്‍സ്, ഇന്റര്‍ നാഷണല്‍ റിലേഷന്‍സ് എന്നിവയായിരുന്നു ശക്തിയുടെ ഓപ്ഷണല്‍ വിഷയങ്ങള്‍.
എംഎസ് യൂണിവേഴ് സിറ്റി ബറോഡയില്‍ നിന്നും ബികോം ബിരുദം നേടിയതാണ് ഹര്‍ഷിത ഗോയല്‍. ഇന്റര്‍നാഷണല്‍ റിലേഷന്‍സ് എന്നിവയായിരുന്നു ഹര്‍ഷിതയുടെ ഓപ്ഷണല്‍ വിഷയങ്ങള്‍.
വിശദ വിവരങ്ങള്‍ക്ക് ഔദ്യോഗിക വെബ് സൈറ്റ് സന്ദര്‍ശിക്കാം: