ഇന്ത്യന്‍ പാസ്പോര്ട്ട് ഇനി ചിപ്പ് അധിഷ്ഠിതം: സുരക്ഷയും കാര്യക്ഷമതയും കൂട്ടല്‍ ലക്ഷ്യം
ബയോമെട്രിക് വിവരങ്ങള്‍ ഉള്‍പ്പെടെ പാസ്പോര്ട്ട് ഉടമയുടെ അവശ്യ വ്യക്തിഗത ഡാറ്റ സംഭരിക്കാന്‍ ഇവയ്ക്ക് കഴിയും.;
അന്താരാഷ്ട്ര യാത്രകള്‍ കൂടുതല്‍ സുരക്ഷിതവും മികവുറ്റതുമാക്കാന്‍ ഇന്ത്യ ഗവണ്‍മെന്റ് ദേശ വ്യാപകമായി ചിപ് അധിഷ്ഠിത പാസ്പോര്ട്ട് നടപ്പിലാക്കും. യാത്രാ ഡോക്യുമെന്റേഷന്‍ സംവിധാനം ആധുനികവല്‍ക്കരിക്കുന്നതിനുള്ള കുതിച്ചുചാട്ടമായാണ് പുതിയ സംവിധാനത്തെ കാണുന്നത്. കൂടാതെ സമാനമായ നൂതനാശയങ്ങള്‍ ഇതിനകം സ്വീകരിച്ച സാങ്കേതികമായി പുരോഗമിച്ച നിരവധി രാജ്യങ്ങളുമായി കിടപിടിക്കാനുമാണ് ഇന്ത്യയുടെ ലക്ഷ്യം.
റേഡിയോ ഫ്രീക്വന്‍സി ഐഡന്റിഫിക്കേഷന്‍ (RFID) ചിപ്പുകളും സംയോജിത ആന്റിനയും ഘടിപ്പിച്ച ഇ-പാസ്പോര്ട്ടുകള് അവതരിപ്പിച്ചുകൊണ്ട് ഇന്ത്യ ഔദ്യോഗികമായി ഡിജിറ്റല്‍ പാസ്പോര്ട്ട് യുഗത്തിലേക്ക് ഇതിലൂടെ പ്രവേശിക്കുകയാണ്. ഈ സ്മാര്‍ട്ട് ഘടകങ്ങള്‍ പാസ്പോര്ട്ട് ബുക്ക്ലെറ്റില്‍ ഉള്‍പ്പെടുത്തിയിട്ടുണ്ട്, കൂടാതെ ബയോമെട്രിക് വിവരങ്ങള്‍ ഉള്‍പ്പെടെ പാസ്പോര്ട്ട് ഉടമയുടെ അവശ്യ വ്യക്തിഗത ഡാറ്റ സംഭരിക്കാന്‍ ഇവയ്ക്ക് കഴിയും. ഡോക്യുമെന്റ് സുരക്ഷ വര്‍ദ്ധിപ്പിക്കുന്നതിനും തട്ടിപ്പ് കേസുകള്‍ കുറയ്ക്കുന്നതിനും അതിര്‍ത്തി നിയന്ത്രണ നടപടിക്രമങ്ങള്‍ കാര്യക്ഷമമാക്കുന്നതിനുമാണ് ഇതിലൂടെ ഊന്നല്‍ നല്‍കുന്നത്. ഇതിലൂടെ ഡ്യൂപ്ലിക്കേറ്റ് പാസ്പോര്ട്ടുകള് നിര്‍മിക്കുന്നത് തടയാനാവും.
ജര്‍മനി, അമേരിക്ക, യുകെ തുടങ്ങി സാങ്കേതികമായി പുരോഗമിച്ച രാജ്യങ്ങളിലെല്ലാം ഇതിനോടകംതന്നെ ബയോമെട്രിക് അധിഷ്ഠിത യാത്രാരേഖകള്‍ ഉണ്ട്. സുരക്ഷയും കാര്യക്ഷമതയും വര്‍ധിപ്പിക്കുക എന്നതാണ് ഇതിന്റെ പ്രധാന ലക്ഷ്യം. ഇന്ത്യയിലെ വിവിധ നഗരങ്ങളിലെ തിരഞ്ഞെടുത്ത പ്രാദേശിക പാസ്പോര്ട്ട് ഓഫീസുകളിലാണ് നിലവില്‍ ഇ-പാസ്പോര്ട്ടുകള് നല്‍കുന്നത്. നിലവില്‍ ചെന്നൈ, ജയ്പൂര്‍, ഹൈദരാബാദ്, നാഗ്പൂര്‍, അമൃത് സര്‍, ഗോവ, റായ്പൂര്‍, സൂററ്റ്, റാഞ്ചി, ഭുവനേശ്വര്‍, ജമ്മു, ഷിംല തുടങ്ങിയ നഗരങ്ങളിലെ പാസ്പോര്ട്ട് ഓഫീസുകള്‍ ഇ- പാസ്പോര്ട്ടുകള് വാഗ്ദാനം ചെയ്യുന്നു.