കെ.എം അഹ്മദ് പുരസ്‌കാരം ജിതിന്‍ ജോയല്‍ ഹാരിമിന് സമ്മാനിച്ചു
കാസര്‍കോട് പ്രസ്‌ക്ലബിന്റെ കെ.എം. അഹ്മദ് സ്മാരക മാധ്യമ ഫോട്ടോഗ്രഫി അവാര്‍ഡ് മലയാള മനോരമയിലെ ജിതിന്‍ ജോയല്‍ ഹാരിമിന് മന്ത്രി രാമചന്ദ്രന്‍ കടന്നപ്പള്ളി സമ്മാനിക്കുന്നു
കാസര്‍കോട്: കാസര്‍കോട് പ്രസ്‌ക്ലബിന്റെ കെ.എം. അഹ്മദ് സ്മാരക മാധ്യമ അവാര്‍ഡ് മന്ത്രി രാമചന്ദ്രന്‍ കടന്നപ്പള്ളി മലയാള മനോരമ ഫോട്ടോഗ്രാഫര്‍ ജിതിന്‍ ജോയല്‍ ഹാരിമിന് സമ്മാനിച്ചു. അവാര്‍ഡ് തുകയും ഫലകവും മന്ത്രിയില്‍ നിന്ന് ജിതിന്‍ ഏറ്റുവാങ്ങി.
മാധ്യമരംഗത്തിന്റെ പവിത്രത കാത്തുസൂക്ഷിച്ചു കൊണ്ടാവണം ആധുനികതയുടെ കാലത്ത് പത്രപ്രവര്‍ത്തനം നടത്തേണ്ടതെന്ന് മന്ത്രി പറഞ്ഞു. മാധ്യമപ്രവര്‍ത്തകര്‍ സത്യസന്ധതയും ആത്മാര്‍ഥതയും നിലനിര്‍ത്തി പ്രവര്‍ത്തിക്കണമെന്നും മാധ്യമപ്രവര്‍ത്തകര്‍ക്ക് ആത്മബോധമുണ്ടാകണമെന്നും അദ്ദേഹം കൂട്ടിച്ചേര്‍ത്തു. പ്രസ്‌ക്ലബ് പ്രസിഡണ്ട് സിജു കണ്ണന്‍ അധ്യക്ഷത വഹിച്ചു. എന്‍.എ. നെല്ലിക്കുന്ന് എം.എല്‍.എ. അനുസ്മരണ പ്രഭാഷണം നടത്തി. സെക്രട്ടറി പ്രദീപ് നാരായണന്‍ സ്വാഗതം പറഞ്ഞു. ടി.എ ഷാഫി, വി.വി പ്രഭാകരന്‍, നഹാസ് പി. മുഹമ്മദ്, രവീന്ദ്രന്‍ രാവണീശ്വരം, സുരേന്ദ്രന്‍ മടിക്കൈ സംസാരിച്ചു. പുരുഷോത്തമ പെര്‍ള നന്ദി പറഞ്ഞു.