തദ്ദേശസ്വയംഭരണ പൊതുതിരഞ്ഞെടുപ്പ് : വോട്ടര്‍ പട്ടികയില്‍ 2.86 കോടി വോട്ടര്‍മാര്‍
ഒക്ടോബര്‍ 25 ന് പ്രസിദ്ധീകരിച്ച പട്ടികയിലെ വോട്ടര്‍മാരുള്‍പ്പെടെയുള്ള കണക്കാണിത്;
By : Online correspondent
Update: 2025-11-16 14:08 GMT
കാസര്‍കോട്: തദ്ദേശസ്വയംഭരണ പൊതുതിരഞ്ഞെടുപ്പില്‍ വോട്ടര്‍മാരുടെ എണ്ണം പുറത്തുവിട്ടു. തദ്ദേശസ്ഥാപനങ്ങളില്‍ പ്രസിദ്ധീകരിച്ച സപ്ലിമെന്ററി വോട്ടര്‍ പട്ടികയില്‍ 266679 പേരെ ഉള്‍പ്പെടുത്തുകയും 34745 പേരെ ഒഴിവാക്കുകയും ചെയ്തിട്ടുണ്ട്. പൊതുതിരഞ്ഞെടുപ്പിനായി തയ്യാറാക്കിയിട്ടുള്ള വോട്ടര്‍ പട്ടികയില്‍ ആകെ 13516923 പുരുഷന്‍മാരും, 15145500 സ്ത്രീകളും, 289 ട്രാന്‍സ്‌ജെന്‍ഡേഴ്‌സും ഉള്‍പ്പെടെ 28662712 വോട്ടര്‍മാരാണുള്ളത്.
ഒക്ടോബര്‍ 25 ന് പ്രസിദ്ധീകരിച്ച പട്ടികയിലെ വോട്ടര്‍മാരുള്‍പ്പെടെയുള്ള കണക്കാണിത്. പ്രവാസി വോട്ടര്‍ പട്ടികയില്‍ ആകെ 3745 വോട്ടര്‍മാരുണ്ട്. വോട്ടര്‍ പട്ടിക അതത് ഇലക്ടറല്‍ രജിസ്ട്രേഷന്‍ ഓഫീസര്‍മാരുടെ പക്കല്‍ പരിശോധനയ്ക്ക് ലഭ്യമാണ്.