പ്രളയ സാധ്യത; ഉപ്പള, മൊഗ്രാല്‍ നദികളുടെ തീരത്തുള്ളവര്‍ ജാഗ്രത പാലിക്കണമെന്ന് അധികൃതര്‍
യാതൊരു കാരണവശാലും നദിയില്‍ ഇറങ്ങാനോ നദി മുറിച്ചു കടക്കാനോ പാടില്ലെന്നും മുന്നറിയിപ്പ്;
By : Online correspondent
Update: 2025-07-16 05:41 GMT
കാസര്‍കോട്: പ്രളയ സാധ്യത മുന്നറിയിപ്പിനെ തുടര്‍ന്ന് ഉപ്പള, മൊഗ്രാല്‍ നദികളുടെ തീരത്തുള്ളവര്‍ ജാഗ്രത പാലിക്കണമെന്ന് ജലസേചന വകുപ്പ്. നദികളില്‍ അപകടകരമായ രീതിയില്‍ ജലനിരപ്പുയരുന്നതിനെ തുടര്‍ന്നാണ് ജലസേചന വകുപ്പിന്റെ മുന്നറിയിപ്പ്.
ഉപ്പള (ഉപ്പള സ്റ്റേഷന്‍) ജലനിരപ്പ് മുന്നറിയിപ്പ് നിലയും അപകടനിലയും കടന്നു. മൊഗ്രാല്‍ പുഴയുടെ മധൂര്‍ സ്റ്റേഷന്‍ ജലനിരപ്പ് മുന്നറിയിപ്പുനിലയും കടന്നിരിക്കുന്നു. അതുകൊണ്ടുതന്നെ യാതൊരു കാരണവശാലും നദിയില്‍ ഇറങ്ങാനോ നദി മുറിച്ചു കടക്കാനോ പാടില്ലെന്നും മുന്നറിയിപ്പില്‍ പറയുന്നു. തീരത്തോട് ചേര്‍ന്ന് താമസിക്കുന്നവര്‍ ജാഗ്രത പാലിക്കണമെന്നും നിര്‍ദേശിച്ചിട്ടുണ്ട്. അധികൃതരുടെ നിര്‍ദേശാനുസരണം പ്രളയ സാധ്യതയുള്ള ഇടങ്ങളില്‍ നിന്ന് മാറി താമസിക്കാന്‍ തയ്യാറാവണമെന്നും ജനങ്ങളോട് അഭ്യര്‍ഥിച്ചു.