ലഹരിമരുന്നിന്റെ വന്‍ ശേഖരവുമായി ഇന്ത്യക്കാരന്‍ സൗദി പൊലീസിന്റെ പിടിയില്‍
By : Online correspondent
Update: 2025-03-14 11:10 GMT
ജിസാന്‍: ലഹരിമരുന്നിന്റെ വന്‍ ശേഖരവുമായി ഇന്ത്യക്കാരന്‍ സൗദി പൊലീസിന്റെ പിടിയില്‍. സൗദി സുരക്ഷാ സേനയാണ് ഇയാളെ അറസ്റ്റുചെയ്തത്. ജിസാനില്‍ നിന്നും അറസ്റ്റുചെയ്ത ഇയാളെ തുടര്‍ നടപടികള്‍ക്കായി ബന്ധപ്പെട്ട വകുപ്പിന് കൈമാറി.
പരിശോധനയില്‍ ഇയാളുടെ കയ്യില്‍നിന്ന് 25 കിലോ ഖാത്ത് കണ്ടെത്തിയതായി പൊലീസ് അറിയിച്ചു. ലഹരിമരുന്ന് കടത്ത്, വിതരണ മേഖലകളില്‍ പ്രവര്‍ത്തിക്കുന്നവരെ കുറിച്ച് 995 എന്ന നമ്പറില്‍ ജനറല്‍ ഡയറക്ടറേറ്റ് ഓഫ് നാര്‍കോട്ടിക്സ് കണ്‍ട്രോളില്‍ ബന്ധപ്പെട്ട് വിവരം നല്‍കണമെന്ന് സുരക്ഷാ വകുപ്പുകള്‍ ആവശ്യപ്പെട്ടു. ലഹരിമരുന്ന് കടത്ത്, വിതരണക്കാരെ കുറിച്ച് നല്‍കുന്ന വിവരങ്ങള്‍ തീര്‍ത്തും രഹസ്യമായി കൈകാര്യം ചെയ്യുമെന്നും പൊലീസ് വ്യക്തമാക്കി.