അനുകമ്പ, സഹകരണം, സഹിഷ്ണുത, പരസ്പര ബഹുമാനം എന്നിവ പുതിയകാലത്തെ വിദ്യാര്ത്ഥികളുടെ ജീവിതമൂല്യങ്ങളാണ്. പഠനത്തില് മാത്രം ഏര്പ്പെട്ടുകിടക്കുന്ന ഒരു തലമുറയല്ല അവര്; വിശ്വാസം, മാന്യത, നല്ല പെരുമാറ്റം എന്നിവ അവരുടെ വ്യക്തിത്വത്തെ ഉയര്ത്തിപ്പിടിക്കുന്നു.
കാലത്തിന്റെ വെല്ലുവിളികളും വിജ്ഞാനത്തിന്റെ വിപുലതയും ഏറ്റവും വേഗത്തില് മാറുന്ന ഈ നവയുഗത്തില്, ഒരു വിദ്യാര്ത്ഥി എന്ന നിലയില് 'മാതൃക' ആകുന്നത് സാധാരണ അക്കാദമിക് വിജയത്തിലെത്തുന്നത് മാത്രമല്ല; മറിച്ച് വ്യക്തിത്വത്തിന്റെ എല്ലാ തലങ്ങളും സമന്വയിപ്പിക്കുന്ന സമഗ്രമായ വളര്ച്ചയെയാണ് ഇന്നത്തെ ലോകം പ്രതീക്ഷിക്കുന്നത്. അറിവിന്റെയും മൂല്യങ്ങളുടെയും ഐക്യമെന്ന മഹത്തായ ഉത്തരവാദിത്വം ഈ തലമുറ വിദ്യാര്ത്ഥികളുടെ തലയിലുണ്ട്. അതുകൊണ്ടുതന്നെ പുതിയ കാലത്തെ മാതൃകാ വിദ്യാര്ത്ഥികള് എന്ന ആശയം കൂടുതല് വിശാലവും കൂടുതല് ഉത്തരവാദിത്തപരവുമായ ഒരു വിസ്തൃത മേഖലയില് വിരിയുന്നു.
ആദ്യം, ഒരു മാതൃകാ വിദ്യാര്ത്ഥിയുടെ അടിത്തറ പഠനശീലമാണ്. വിവരങ്ങളുടെ സമുദ്രത്തില് ജീവിക്കുന്ന ഈ കാലഘട്ടത്തില്, എന്ത് പഠിക്കണം, എങ്ങനെയാണ് പഠിക്കേണ്ടത്, എന്താണ് വിശ്വസിക്കേണ്ടത് എന്നതില് വ്യക്തത കൈവരിക്കുക ഏറ്റവും പ്രധാനപ്പെട്ട കഴിവാണ്. ടലഹളഹലമൃിശിഴ എന്ന പഠനശൈലി അവരുടെ ദിനചര്യയുടെ ഭാഗമാണ്. പഠനം പരീക്ഷക്ക് വേണ്ടിയുള്ള തയ്യാറെടുപ്പല്ലെന്ന തിരിച്ചറിവോടെ, അറിവിനെ ആവേശത്തോടെയാണ് അവര് അന്വേഷിക്കുന്നത്.
പുതിയ ആശയങ്ങള്, നവ സാങ്കേതിക വിദ്യകള്, ലോകമെമ്പാടുമുള്ള ഗവേഷണങ്ങള് ഇതെല്ലാം ഗ്രഹിക്കാന് ആഗ്രഹിക്കുന്ന ചോദ്യാത്മക മനസാണ് പുതിയ തലമുറയെ മുന്നോട്ട് നയിക്കുന്നത്.
അതോടൊപ്പം, ഉത്തരവാദിത്തബോധം ഒരു മാതൃകാ വിദ്യാര്ത്ഥിയുടെ മറ്റൊരു പ്രധാന ഘടകമാണ്. സ്കൂളിലോ കോളേജിലോ പഠിക്കുന്നതില് മാത്രമല്ല അവരുടെ പങ്ക്; സമൂഹത്തോടുള്ള ബാധ്യതയും അവര് മനസ്സിലാക്കുന്നു. പരിസ്ഥിതി രക്ഷയില് പങ്കാളിത്തം, സാമൂഹിക സേവന പ്രവര്ത്തനങ്ങള്, കൂട്ടുകാര്ക്ക് പഠനസഹായം, ഡിജിറ്റല് ലോകത്ത് ശുദ്ധമായ ഇടപെടല് എന്നിവയില് അവര് മാതൃകയാകുന്നു. സമൂഹം നല്കുന്ന സൗകര്യങ്ങള് ഉത്തരവാദിത്തത്തോടെ ഉപയോഗിക്കാനും വലിയ സമൂഹത്തിന്റെ ഭാഗമായുള്ള സംഭാവനകള് നല്കാനും അവര് സന്നദ്ധരാണ്.
നവീന സാങ്കേതിക വിദ്യകള് വിദ്യാര്ത്ഥികളുടെ ജീവിതത്തില് വലിയ ഇടം പിടിച്ചിരിക്കുകയാണ്. ഇതിനെ ഒരു വിനോദമാധ്യമമെന്നിലല്ലാതെ പഠനത്തിനും സൃഷ്ടിപരതക്കും ഉപയോഗിക്കാനറിയുന്നവര് തന്നെയാണ് ഇന്നത്തെ മാതൃകാ വിദ്യാര്ത്ഥികള്. ഓണ്ലൈന് ക്ലാസുകള്, ഡിജിറ്റല് ലൈബ്രറികള്, പഠന ആപ്പുകള്, ഭാഷാ പഠന സൗകര്യങ്ങള്, എ.ഐ ഉപകരണങ്ങള് എന്നിവയെ അവര് അഭ്യസനത്തിന്റെ കൂട്ടാളികളായി ഉപയോഗിക്കുന്നു. ടെക്നോളജി ഉപയോഗിക്കുമ്പോള് അതിനെ നിയന്ത്രിക്കാനും സമയപരിധി പാലിക്കാനും കഴിയുന്ന ശൈലിയുമാണ് അവരെ മറ്റുള്ളവരില് നിന്ന് വേര്തിരിക്കുന്നത്.
അവരില് വളരുന്ന മറ്റൊരു വലിയ ഗുണം മാനവികമൂല്യങ്ങളോടുള്ള ആദരവാണ്.
അനുകമ്പ, സഹകരണം, സഹിഷ്ണുത, പരസ്പര ബഹുമാനം എന്നിവ പുതിയകാലത്തെ വിദ്യാര്ത്ഥികളുടെ ജീവിതമൂല്യങ്ങളാണ്. പഠനത്തില് മാത്രം ഏര്പ്പെട്ടുകിടക്കുന്ന ഒരു തലമുറയല്ല അവര്; വിശ്വാസം, മാന്യത, നല്ല പെരുമാറ്റം എന്നിവ അവരുടെ വ്യക്തിത്വത്തെ ഉയര്ത്തിപ്പിടിക്കുന്നു. ഒരു കൂട്ടത്തില് പ്രവര്ത്തിക്കുമ്പോഴും, അഭിപ്രായവ്യത്യാസങ്ങള് നേരിടുമ്പോഴും സൗഹൃദപരമായ സമീപനം സ്വീകരിക്കുമ്പോഴും അവരുടെ സംസ്കാരബോധം പ്രതിഫലിക്കുന്നു.
ആത്മവികസനം ഇപ്പോഴത്തെ വിദ്യാര്ത്ഥികളുടെ പ്രധാന ലക്ഷ്യങ്ങളില് ഒന്നാണ്. ശാരീരിക ആരോഗ്യത്തില് ശ്രദ്ധ, വായനപ്പരിചയം, കായികരംഗത്തെ പങ്കാളിത്തം, കലാപരമായ പ്രകടനം ഇതെല്ലാം അവരെ സമഗ്ര മനുഷ്യരാക്കുന്നു. സ്വന്തം കഴിവുകള് കണ്ടെത്തിയും വളര്ത്തിയും ജീവിതത്തെ വിജയകരമായി നയിക്കാനുള്ള മനോജ്ഞ തയ്യാറെടുപ്പാണ് അവര് കാട്ടുന്നത്.
പരാജയങ്ങളെ ഭയപ്പെടാതെ, അവയില് നിന്നു പാഠങ്ങള് പഠിക്കാനുള്ള മനോവീക്ഷണവും ഒരു മാതൃകാ വിദ്യാര്ത്ഥിയുടെ ചിഹ്നമാണ്.
നേതൃത്വം പുതിയ കാലത്തെ വിദ്യാര്ത്ഥികളുടെ പ്രധാന സ്വഭാവമാണ്. സ്കൂളിന്റെ ചെറിയ ചുമതലകളില് നിന്ന് ദേശീയആഗോള തലത്തിലെ പ്രശ്നങ്ങളെക്കുറിച്ചുള്ള ചര്ച്ചകളില്വരെ പങ്കെടുക്കാന് അവര് തയ്യാറാകുന്നു.
നേതൃപാടവം അവരുടെ ആത്മവിശ്വാസത്തെയും വ്യക്തിത്വത്തെയും വര്ധിപ്പിക്കുന്നു. പുതിയ ആശയങ്ങള് അവതരിപ്പിക്കാനുള്ള ധൈര്യം, കൂട്ടായ്മയെ നയിക്കാനുള്ള കഴിവ്, പ്രശ്നങ്ങള് പരിഹരിക്കാനുള്ള ശൈലി എന്നിവ അവരുടെ ജീവിതത്തിലേക്കുള്ള വലിയ നിക്ഷേപങ്ങളാണ്.
സ്വപ്നങ്ങളും ലക്ഷ്യങ്ങളും ഉള്ള വിദ്യാര്ത്ഥികളാണ് യഥാര്ത്ഥ മാതൃകകള്. ഭാവിയില് അവര് എന്താകണമെന്ന് തീരുമാനിക്കുകയും അതിലേക്കെത്താന് ഓരോ ദിവസവും ചെറിയ ശ്രമങ്ങള് നടത്തുകയും ചെയ്യുന്നു. ലക്ഷ്യാനുബന്ധമായ പഠനവും ജീവിതക്രമവുമാണ് അവരുടെ വിജയത്തിന്റെ പാത.
പുതിയ കാലത്തെ മാതൃകാ വിദ്യാര്ത്ഥികള് പുസ്തകവിജ്ഞാനത്തില് മാത്രം ഒതുങ്ങാത്ത, ജീവിതത്തിന്റെ എല്ലാ വശങ്ങളിലും മൂല്യങ്ങള് ചേര്ക്കുന്ന ഉത്തരവാദിത്തമുള്ള, സാങ്കേതിക വിദ്യ കൈകാര്യം ചെയ്യാന് അറിയുന്ന, മനുഷ്യനെ സ്നേഹിക്കുന്ന, സമൂഹത്തിനായി പ്രവര്ത്തിക്കുന്ന, ലക്ഷ്യത്തിലേക്കുള്ള യാത്രയില് പ്രതിജ്ഞാബദ്ധരായ ഒരു തലമുറയാണ്. വിദ്യാഭ്യാസം അറിവു നല്കുന്നതില് മാത്രമല്ല, നല്ല മനുഷ്യരെ സൃഷ്ടിക്കുന്നതിലാണെന്ന സത്യത്തിന്റെ മികച്ച തെളിവാണ് അവര്.