കൊച്ചി: ഒരു ദിവസത്തെ ഇടവേളയ്ക്ക് ശേഷം സ്വര്‍ണവില വീണ്ടും റെക്കോര്‍ഡ് ഉയരത്തില്‍. കഴിഞ്ഞദിവസം മാറ്റമൊന്നും രേഖപ്പെടുത്താത്ത സ്വര്‍ണം ഇന്ന് വീണ്ടും കുതിപ്പ് തുടര്‍ന്നു. ഗ്രാമിന് 15 രൂപയും പവന് 120 രൂപയും ആണ് ഇന്ന് വര്‍ധിച്ചത്. ഇതോടെ ഗ്രാമിന് 7945 രൂപയും പവന് 63560 രൂപയുമായി. സ്വര്‍ണത്തിന്റെ ചരിത്രത്തിലെ തന്നെ ഏറ്റവും ഉയര്‍ന്ന വിലയാണ് ഇത്.
18 കാരറ്റ് സ്വര്‍ണത്തിനും വില വര്‍ധിച്ചിട്ടുണ്ട്. 18 കാരറ്റ് സ്വര്‍ണത്തിന് ഗ്രാമിന് 10 രൂപയും പവന് 80 രൂപയുമാണ് വര്‍ധിച്ചത്. ഇതോടെ 18 കാരറ്റ് സ്വര്‍ണത്തിന് ഗ്രാമിന് 6560 രൂപയും പവന് 52480 രൂപയുമാണ് നിരക്ക്. വെള്ളി വില മാറ്റമില്ലാതെ ഒരു ഗ്രാമിന് 106 രൂപയായി തുടരുന്നു.
പുതുവര്‍ഷം പിറന്നത് മുതല്‍ സ്വര്‍ണ വിലയില്‍ ഉയര്‍ച്ചയാണ് ഭൂരിഭാഗം ദിനങ്ങളിലും ഉണ്ടായത്. പവന് 57000 ല്‍ ഉണ്ടായിരുന്ന വില ഒരു മാസം പിന്നിടുമ്പോള്‍ 6560 രൂപയുടെ വര്‍ധനവാണ് ഉണ്ടായിരിക്കുന്നത്. സ്വര്‍ണവില
കഴിഞ്ഞാഴ്ച മിക്ക ദിനങ്ങളിലും സര്‍വകാല റെക്കോര്‍ഡില്‍ ആണ് വ്യാപാരം നടത്തിയത്. ഡോളറിനെതിരായ രൂപയുടെ വിലത്തകര്‍ച്ചയും അന്താരാഷ്ട്ര വിപണിയിലെ ചലനങ്ങളും ഓഹരി വിപണിയിലെ മാറ്റങ്ങളുമാണ് സ്വര്‍ണവിലയെ സ്വാധീനിക്കുന്നത്.