ധ്യാന് ശ്രീനിവാസനും ലുക് മാന്‍ അവറാനും കേന്ദ്ര കഥാപാത്രങ്ങളായെത്തുന്ന 'വള' സെപ്റ്റംബര്‍ 19ന് തിയേറ്ററുകളിലേക്ക്
ഒരു വള മൂലം പലരുടെയും ജീവിതത്തില്‍ നേരിടേണ്ടി വരുന്ന സംഭവബഹുലമായ കാര്യങ്ങള്‍ പ്രമേയമാക്കിയാണ് ചിത്രം അവതരിപ്പിക്കുന്നത്;
ധ്യാന് ശ്രീനിവാസനും ലുക് മാന്‍ അവറാനും കേന്ദ്ര കഥാപാത്രങ്ങളായെത്തുന്ന 'വള' സെപ്റ്റംബര്‍ 19ന് ലോകവ്യാപകമായി തിയേറ്ററുകളിലേക്കെത്തുന്നു. ഷെയ്ന്‍ നിഗത്തിന്റെ ഏറ്റവും പുതിയ സ്പോര്ട്സ് ഡ്രാമയായ 'ബാള്‍ട്ടി', വിനീത് ശ്രീനിവാസന്റെ ചിത്രം 'കരം' എന്നിവയാണ് സെപ്റ്റംബറിലെ മറ്റ് റിലീസുകള്‍. ഒരു വള മൂലം പലരുടെയും ജീവിതത്തില്‍ നേരിടേണ്ടി വരുന്ന സംഭവബഹുലമായ കാര്യങ്ങള്‍ പ്രമേയമാക്കിയാണ് ചിത്രം അവതരിപ്പിക്കുന്നത്. കോമഡിക്ക് പ്രാധാന്യം നല്‍കിയുള്ള ചിത്രമാണിത്. പ്രേക്ഷക - നിരൂപക പ്രശംസ നേടിയ ബേസില്‍ ജോസഫ് അഭിനയിച്ച 'കഠിന കഠോരമീ അണ്ഡകടാഹം' എന്ന ചിത്രത്തിലൂടെ ശ്രദ്ധേയനായ മുഹാഷിനാണ് ചിത്രം സംവിധാനം ചെയ്തിരിക്കുന്നത്.
'ഉണ്ട', 'പുഴു' തുടങ്ങിയ ശ്രദ്ധേയമായ മമ്മൂട്ടി ചിത്രങ്ങളുടെ തിരക്കഥാകൃത്തായ ഹര്‍ഷദാണ് 'വള'യുടെ തിരക്കഥയൊരുക്കിയിരിക്കുന്നത്. ചിത്രത്തിലെ പ്രധാന കഥാപാത്രങ്ങളെയെല്ലാം അവതരിപ്പിച്ചുകൊണ്ടുള്ള റിലീസ് അനൗണ്‍സ്‌മെന്റ് പോസ്റ്റര്‍ സോഷ്യല്‍ മീഡിയയില്‍ ഏറെ ശ്രദ്ധ നേടിയിട്ടുണ്ട്. വളയുടെ ഗാനങ്ങളിലൊന്നായ ദസ്താന്‍ പ്രേക്ഷകരുടെ പ്രശംസ പിടിച്ചുപറ്റിയിരുന്നു.
രവീണ രവി, ശീതള്‍ ജോസഫ് എന്നിവര്‍ നായികമാരായെത്തുന്ന ചിത്രത്തില്‍ ശ്രദ്ധേയ വേഷത്തില്‍ വിജയരാഘവനും ശാന്തികൃഷ്ണയും എത്തുന്നുണ്ട്. ഹാസ്യത്തില്‍ ചാലിച്ചൊരുക്കിയിരിക്കുന്ന കുടുംബ ബന്ധങ്ങളുടെ കഥയാണ് ചിത്രമെന്നാണ് സൂചന. ഫെയര്‍ബെ ഫിലിംസാണ് ചിത്രം നിര്‍മിച്ചിരിക്കുന്നത്. ദുല്‍ഖര്‍ സല്‍മാന്റെ വേഫെറര്‍ ഫിലിംസാണ് വിതരണം. തിങ്ക് മ്യൂസിക്കാണ് ചിത്രത്തിന്റെ മ്യൂസിക്ക് റൈറ്റ്‌സ് കരസ്ഥമാക്കിയിരിക്കുന്നത്.
സംഗീത സംവിധായകന്‍ ഗോവിന്ദ് വസന്ത ഈ ചിത്രത്തിലൂടെ അഭിനയരംഗത്തേക്ക് ചുവടുവയ്ക്കുന്നു എന്നതും പ്രത്യേകതയാണ്. അബു സലീം, അര്‍ജുന്‍ രാധാകൃഷ്ണന്‍, നവാസ് വള്ളിക്കുന്ന്, ഷാഫി കൊല്ലം, യൂസുഫ് ഭായ്, ഗോകുലന്‍ തുടങ്ങി നിരവധി താരങ്ങളും ചിത്രത്തില്‍ പ്രധാനകഥാപാത്രങ്ങളിലെത്തുന്നു.
ഖാലിദ് റഹ്‌മാന്റെ ആലപ്പുഴ ജിംഖാനയിലാണ് ലുക്മാന്‍ ഒടുവില്‍ അഭിനയിച്ചത്. ഇത് OTTplay Premium, Sony LIV എന്നിവയില്‍ ഇപ്പോള്‍ സ്ട്രീം ചെയ്യുന്നുണ്ട്. ഗണപതി, സന്ദീപ് പ്രദീപ്, നസ്ലെന്‍ എന്നിവരും ഈ സ്പോര്ട്സ് ഡ്രാമയില്‍ അഭിനയിച്ചു. അടുത്തിടെ, അദ്ദേഹത്തിന്റെ മറ്റൊരു ചിത്രമായ കുണ്ടന്നൂരിലെ കുല്‍സിത ലഹള സൈന പ്ലേയില്‍ ലഭ്യമായി. ആമസോണ്‍ പ്രൈം വീഡിയോയ്ക്കൊപ്പം തന്നെ യുവ നടന്‍ അഭിനയിച്ച പെരുമണിയും ഇതേ പ്ലാറ്റ് ഫോമില്‍ ലഭ്യമാണ്.
ധ്യാന് ഈ വര്‍ഷം നിരവധി സിനിമകള്‍ ഉണ്ട്. ഡിറ്റക്ടീവ് ഉജ്ജ്വലന്‍, പ്രിന്‍സ് ആന്‍ഡ് ഫാമിലി എന്നിവ ഇപ്പോള്‍ ഓണ്‍ലൈനില്‍ സ്ട്രീം ചെയ്യാന്‍ തുടങ്ങി. ദിലീപ് ചിത്രമായ ഭാ ഭാ ബാ അദ്ദേഹത്തിന്റെ അടുത്ത റിലീസുകളിലൊന്നാണ്.