തകര്ന്ന് കിടക്കുന്ന നെല്ലിക്കുന്ന് ശാന്തദുര്ഗാംബ മെയിന് റോഡ്
കാസര്കോട്: നഗരത്തിലെ മിക്ക പോക്കറ്റ് റോഡുകളും തകര്ന്നു. ഇതോടെ യാത്രക്കാര് ദുരിതത്തിലായി. മല്ലികാര്ജ്ജുന ക്ഷേത്രത്തിന് സമീപം നെല്ലിക്കുന്നിലേക്ക് പോകുന്ന ശാന്താ ദുര്ഗാംബ മെയിന് റോഡിലെ പല ഭാഗങ്ങളും തകര്ന്നു. മാസങ്ങള്ക്ക് മുമ്പ് തന്നെ റോഡ് തകര്ന്നിരുന്നു. ഈ റോഡില് ദിവസേന നൂറുക്കണക്കിന് വാഹനങ്ങളും കാല്നടയാത്രക്കാരും സഞ്ചരിക്കുന്നു. റോഡിലെ തകര്ച്ചയും കുഴിയും കാരണം ഇരുചക്ര-മുച്ചക്ര വാഹനങ്ങള്ക്ക് കേടുപാട് സംഭവിക്കുന്നു. യാത്രക്കാരുടെ നടുവൊടിച്ചുള്ള ഈ യാത്ര കടുത്ത ദുരിതമാണ് ഉണ്ടാക്കുന്നത്. നഗരത്തിലെ മിക്ക പോക്കറ്റ് റോഡുകളുടെയും അവസ്ഥ ഇത് തന്നെയാണ്. തദ്ദേശ സ്വയംഭരണ തിരഞ്ഞെടുപ്പിന്റെ ചൂടിലാണ് രാഷ്ട്രീയ പാര്ട്ടികളും ജനപ്രതിനിധികളും. ബന്ധപ്പെട്ടവരോട് നിരവധി തവണ പരാതി പറഞ്ഞിട്ടും ഫലമില്ലെന്നാണ് വാഹന യാത്രക്കാരും നാട്ടുകാരും പറയുന്നത്.