സോക്കര്‍ ഫ്രണ്ട്‌സ് അക്കാദമി 21-ാം വാര്‍ഷികം: സോക്കര്‍ ലീഗില്‍ എസ്.എഫ്.എ. കിംഗ്‌സ് ജേതാക്കള്‍
എസ്.എഫ്.എ. സോക്കര്‍ ലീഗ് ദുബായ്-2025 ഫുട്‌ബോള്‍ ടൂര്‍ണമെന്റില്‍ ജേതാക്കളായ എസ്.എഫ്.എ. കിംഗ്‌സിന് വേണ്ടി ക്യാപ്റ്റന്‍ മാഹിന്‍, ടീം മാനേജര്‍ ഷരീഫ് ചട്ടഞ്ചാല്‍ എന്നിവര്‍ വിശിഷ്ടാതിഥികളില്‍ നിന്ന് ട്രോഫി ഏറ്റുവാങ്ങുന്നു
ദുബായ്: 21 വര്‍ഷങ്ങള്‍ പൂര്‍ത്തിയാക്കുന്ന ദുബായ് സോക്കര്‍ ഫ്രണ്ട്‌സ് അക്കാദമി (എസ്.എഫ്.എ.) സോക്കര്‍ ലീഗ് ദുബായ്-2025 ലവന്‍സ് ലീഗ് ഫുട്‌ബോള്‍ ടൂര്‍ണ്ണമെന്റ് ദുബായ് അല്‍ സലാമ സ്‌കൂള്‍ ഗ്രൗണ്ടില്‍ സംഘടിപ്പിച്ചു. നാല് ടീമുകള്‍ മാറ്റുരച്ച മത്സരത്തില്‍ എസ്.എഫ്.എ. ബുള്‍സിനെ ഒന്നിനെതിരെ മൂന്ന് ഗോളുകള്‍ക്ക് പരാജയപ്പെടുത്തി എസ്.എഫ്.എ കിംഗ്‌സ് ചാമ്പ്യന്മാരായി.
എസ്.ബി.ടി.-സന്തോഷ് ട്രോഫി താരമായ അസ്ലം, മൊഗ്രാല്‍ സ്‌പോര്‍ട്‌സ് ക്ലബ് പ്രസിഡണ്ട് അന്‍വര്‍ അഹമ്മദ്, ട്രഷറര്‍ റിയാസ് മൊഗ്രാല്‍ എന്നിവരില്‍ നിന്ന് ജേതാക്കളായ എസ്.എഫ്.എ കിംഗ്‌സ് ക്യാപ്റ്റന്‍ മാഹിന്‍, എസ്.എഫ്.എ മാനേജര്‍ ഷെരീഫ് ചട്ടഞ്ചാല്‍ എന്നിവര്‍ ട്രോഫി ഏറ്റുവാങ്ങി.