ആപ്പില്‍ നിന്ന് നേരിട്ട് ഡോക്യുമെന്റുകള്‍ സ്‌കാന്‍ ചെയ്യാം; ഉപയോക്താക്കള്‍ക്കായി പുതിയ അപ്ഡേറ്റുമായി വാട് സ് ആപ്പ്
ഫീച്ചര്‍ നിലവില്‍ ഐഒഎസ് ഉപയോക്താക്കള്‍ക്ക് ലഭ്യമാണ്;
ഉപയോക്താക്കള്‍ക്കായി പുതിയ അപ് ഡേറ്റുമായി വാട് സ് ആപ്പ്. ആപ്പില്‍ നിന്ന് നേരിട്ട് ഡോക്യുമെന്റുകള്‍ സ്‌കാന്‍ ചെയ്യാന്‍ കഴിയുന്ന പുതിയ ഫീച്ചര്‍ ആണ് അവതരിപ്പിച്ചിരിക്കുന്നത്. ഫീച്ചര്‍ നിലവില്‍ ഐഒഎസ് ഉപയോക്താക്കള്‍ക്ക് ലഭ്യമാണ്. ആന്‍ഡ്രോയിഡ് ഉപയോക്താക്കള്‍ക്കും ഫീച്ചര്‍ ലഭ്യമാകുന്നതോടെ തേര്‍ഡ് പാര്‍ട്ടി ആപ്പുകളെ ഇനി ആശ്രയിക്കേണ്ടി വരില്ല.
പിഡിഎഫ് ഫോര്‍മാറ്റില്‍ ഡോക്യുമെന്റുകള്‍ സ്‌കാന്‍ ചെയ്യാനും മാറ്റാനും കഴിയുന്ന ഫീച്ചര്‍ ആഡ്രോയിഡ് ബീറ്റ ടെസ്റ്റര്‍മാര്‍ക്കാണ് ലഭ്യമാകുക. ആന്‍ഡ്രോയിഡ് പതിപ്പ് 2.25.18.29-നുള്ള വാട് സ് ആപ്പ് ബീറ്റയിലാണ് ഈ ഫീച്ചര്‍ ആദ്യം കണ്ടെത്തിയത്. ഗൂഗിള്‍ പ്ലേ സ്റ്റോറില്‍ നിന്ന് ഏറ്റവും പുതിയ അപ് ഡേറ്റ് ഇന്‍സ്റ്റാള്‍ ചെയ്തപ്പോള്‍ നിരവധി ഉപയോക്താക്കള്‍ക്ക് ഫീച്ചര്‍ ലഭ്യമായതായുള്ള റിപ്പോര്‍ട്ടുകള്‍ പുറത്തുവരുന്നുണ്ട്.
ഏറ്റവും പുതിയ അപ്‌ഡേറ്റ് ലഭ്യമായാല്‍ അറ്റാച്ച് മെന്റ് മെനുവിലെ നിലവിലുള്ള ഡോക്യുമെന്റ്സ് ബ്രൗസ്, ചൂസ് ഗാലറി എന്നീ ഓപ്ഷനുകള്‍ക്കൊപ്പം ഒരു പുതിയ 'സ്‌കാന്‍ ഡോക്യുമെന്റ്' ഓപ്ഷന്‍ ദൃശ്യമാകും. പുതിയ ഓപ്ഷനില്‍ ക്ലിക്ക് ചെയ്യുന്നതിലൂടെ ആന്‍ഡ്രോയിഡ് ഡിവൈസിന്റെ കാമറ ഓപ്പണ്‍ ആകുകയും ഡോക്യുമെന്റ് ഷെയര്‍ ചെയ്യാന്‍ കഴിയുകയും ചെയ്യും.
ഈ സവിശേഷത രണ്ട് ഷൂട്ടിംഗ് ഓപ്ഷനുകള്‍ നല്‍കുന്നു: മാനുവല്‍, ഓട്ടോ. മാനുവല്‍ മോഡില്‍, ഉപയോക്താക്കള്‍ക്ക് കൃത്യമായി എപ്പോള്‍ ചിത്രം എടുക്കണമെന്ന് തീരുമാനിക്കാന്‍ കഴിയും. അതേസമയം ഓട്ടോമാറ്റിക് മോഡ് വാട് സ് ആപ്പിനെ ഡോക്യുമെന്റിന്റെ അരികുകള്‍ തിരിച്ചറിയാനും ചിത്രം സ്വന്തമായി പകര്‍ത്താനും അനുവദിക്കുന്നു. ഇത് സ്‌കാനിംഗ് പ്രക്രിയയെ സുഗമമാക്കുന്നു.
ഫോട്ടോ എടുത്തതിനുശേഷം, വാട്സ് ആപ്പ് വേഗത്തില്‍ ചിത്രം പ്രോസസ്സ് ചെയ്യുകയും ഒരു PDF ഫോര്‍മാറ്റിലേക്ക് മാറ്റുകയും ചെയ്യുന്നു. ഇത് ഫയല്‍ വ്യക്തിഗത ചാറ്റുകളിലോ ഗ്രൂപ്പ് സന്ദേശങ്ങളിലോ തല്‍ക്ഷണം പങ്കിടാന്‍ കഴിയുന്നതാക്കുന്നു. ആന്‍ഡ്രോയിഡിന്റെ നേറ്റീവ് ഡോക്യുമെന്റ് ക്യാപ്ചര്‍ API-കള്‍ ഉപയോഗിച്ച് പൂര്‍ണ്ണമായ സ്‌കാനിംഗും പരിവര്‍ത്തന വര്‍ക്ക് ഫ്‌ളോയും ഉപയോക്താവിന്റെ ഫോണില്‍ നേരിട്ട് സംഭവിക്കുന്നു.