NEW VEHICLES | വാഹന പ്രേമികള്‍ക്ക് സന്തോഷവാര്‍ത്ത: ഏപ്രില്‍ മാസത്തില്‍ വിപണിയില്‍ ഇറങ്ങുന്ന പുതിയ കാറുകളെയും എസ് യുവികളെയും പരിചയപ്പെടാം; വിലയും സവിശേഷതകളും അറിയാം
പുതിയ വാഹനങ്ങള്‍ സ്വന്തമാക്കുക എന്നത് വാഹന പ്രേമികളുടെ സ്വപ്‌നമാണ്. ഓരോ മോഡല്‍ വിപണിയില്‍ ഇറങ്ങുമ്പോഴും ഇവര്‍ അത് എങ്ങനെയും സ്വന്തമാക്കിയിരിക്കും. പണമൊന്നും ഇത്തരക്കാര്‍ക്ക് പ്രശ്‌നമല്ല. വാഹനം കണ്ടീഷനുണ്ടോ എന്നത് മാത്രമാണ് ഇവര്‍ നോക്കുന്നത്.
അത്തരത്തില്‍ വാഹന പ്രേമികള്‍കള്‍ക്ക് സന്തോഷം നല്‍കുന്ന വാര്‍ത്തകളാണ് പുറത്തുവരുന്നത്. അടുത്ത സാമ്പത്തിക വര്‍ഷത്തില്‍ ഇലക്ട്രിക് വാഹനങ്ങളും ഐസിഇ പതിപ്പുകളും ഉള്‍പ്പെടെ നിരവധി പുതിയ കാറുകളാണ് കമ്പനികള്‍ പുറത്തിറക്കുന്നത്. അത്തരത്തില്‍ വിപണിയില്‍ ഇറങ്ങുന്ന പുതിയ കാറുകളെയും എസ് യുവികളെയും പരിചയപ്പെടാം.
എംജി എം9 ഇവി
എംജി ആഡംബര ഇലക്ട്രിക് വാഹനമായ എം9 എംപിവി ആണ് ഏപ്രിലില്‍ ഇന്ത്യന്‍ വിപണിയിലെത്തുന്ന മറ്റൊരു വാഹനം. 'സെലക്ട്' ഔട്ട് ലെറ്റുകള്‍ വഴി റീട്ടെയില്‍ ചെയ്യുന്ന രണ്ടാമത്തെ എംജി മോഡലായിരിക്കും ഇത്. ഡീസല്‍, പെട്രോള്‍-ഹൈബ്രിഡ് എഞ്ചിനുകള്‍ വാഗ്ദാനം ചെയ്യുന്ന കിയ കാര്‍ണിവല്‍, ടൊയോട്ട വെല്‍ഫയര്‍ എന്നിവയ്ക്ക് വൈദ്യുത ബദലായി ഈ ആഡംബര എംപിവി വരും. 430 കിലോമീറ്റര്‍ റേഞ്ചുള്ള 90kWh ബാറ്ററി പായ്ക്ക് ഇതില്‍ ലഭിക്കുമെന്ന് പ്രതീക്ഷിക്കുന്നു.
ഫോക് സ് വാഗണ്‍ ടിഗുവാന്‍ ആര്‍-ലൈന്‍
2025 ഏപ്രില്‍ 14 ന് ഇന്ത്യന്‍ വിപണിയില്‍ പുതിയ തലമുറ ടിഗുവാന്‍ ആര്‍-ലൈന്‍ പെര്‍ഫോമന്‍സ് അധിഷ്ഠിത എസ്. യു.വി ഫോക്സ് വാഗണ്‍ അവതരിപ്പിക്കും. ഇത് കംപ്ലീറ്റ് ലി ബില്‍റ്റ് യൂണിറ്റ് (CBU) ആയി ഇന്ത്യയില്‍ എത്തും. വരും ആഴ്ചകളില്‍ ബുക്കിംഗുകള്‍ ആരംഭിക്കുമെന്നാണ് പുറത്തുവരുന്ന വിവരങ്ങള്‍. പുതിയ ടിഗുവാന്‍ ആര്‍-ലൈനിന്റെ വില ഏകദേശം 50 ലക്ഷം രൂപ ആയിരിക്കുമെന്ന വിവരങ്ങള്‍ പുറത്തുവരുന്നുണ്ട്. 2.0 ലിറ്റര്‍ ടര്‍ബോചാര്‍ജ്ഡ് പെട്രോള്‍ എഞ്ചിനാണ് ഇതിന് കരുത്ത് പകരുന്നത്.
കിയ കാരന്‍സ് ഫേസ് ലിഫ്റ്റ്
ദക്ഷിണ കൊറിയന്‍ വാഹന നിര്‍മ്മാതാക്കളായ കിയ ഏപ്രില്‍ മാസത്തില്‍ പുതിയ കാരന്‍സ് ഫെയ് സ് ലിഫ് റ്റ് അവതരിപ്പിക്കും. 10.55 - 20.19 ലക്ഷമാണ് വില പ്രതീക്ഷിക്കുന്നത്. ഇന്ത്യന്‍ റോഡുകളില്‍ പുതിയ വാഹനമിറക്കി നിരവധി തവണ പരീക്ഷണം നടത്തിയ കമ്പനിയാണ് കിയ. കാര്യമായ ഡിസൈന്‍ മാറ്റങ്ങളും നവീകരിച്ച ഇന്റീരിയറും പുതിയ സവിശേഷതകളുമായാണ് വാഹനം എത്തുന്നത്. നിലവിലുള്ള മോഡല്‍ പുതിയ കാരന്‍സിനൊപ്പം വില്‍ക്കും. അതിന് പുതിയ നെയിംപ്ലേറ്റും ഉണ്ടായിരിക്കും.
കിയ കാരന്‍സിന്റെ പെട്രോള്‍, ഡീസല്‍ എഞ്ചിനുകളിലും ഗിയര്‍ബോക്സുകളിലും മാറ്റങ്ങളൊന്നും ഉണ്ടാകില്ല. മാരുതി എര്‍ട്ടിഗ, XL6 എന്നിവയുമായി മത്സരിക്കുന്നത് തുടരും. വരും മാസങ്ങളില്‍ കിയ കാരന്‍സ് ഫെയ് സ് ലിഫ്റ്റിനൊപ്പം കിയ കാരന്‍സ് ഇവി പുറത്തിറക്കുമെന്ന് പ്രതീക്ഷിക്കുന്നു.
സിറോസില്‍ നിന്ന് പ്രചോദനം ഉള്‍ക്കൊണ്ട് എംപിവിക്ക് പൂര്‍ണ്ണമായും പുതിയൊരു മുന്‍വശമായിരിക്കും ഉണ്ടാവുക. ക്യാബിന്‍ ലേഔട്ട് സിറോസ് എസ്.യു.വിയുമായി പങ്കിടും. കൂടാതെ വലിയ ടച്ച് സ്‌ക്രീന്‍ ഇന്‍ഫോടെയ്ന്‍മെന്റ് യൂണിറ്റും ഡിജിറ്റല്‍ ഡ്രൈവര്‍ ഡിസ് പ്ലേയും ഘടിപ്പിക്കും.
പനോരമിക് സണ്‍റൂഫ്, 360-ഡിഗ്രി സറൗണ്ട് വ്യൂ ക്യാമറ, ലെവല്‍ 2 അഡാസ് എന്നിവയും എംപിവിയില്‍ ഉണ്ടാകും. 1.5L NA പെട്രോള്‍, 1.5L ടര്‍ബോ പെട്രോള്‍, 1.5L ടര്‍ബോ ഡീസല്‍ എന്നിവയുള്‍പ്പെടെയുള്ള അതേ എഞ്ചിനുകള്‍ക്കൊപ്പം ഇത് വാഗ്ദാനം ചെയ്യുമെന്ന് പ്രതീക്ഷിക്കുന്നു.
ടാറ്റ ഹാരിയര്‍ ഇ വി
2023 ഓട്ടോ എക്സ്പോയില്‍ കണ്‍സെപ്റ്റ് രൂപത്തില്‍ ആദ്യമായി പ്രദര്‍ശിപ്പിച്ച ടാറ്റ ഹാരിയര്‍ ഇവി, 2025 മെയ് മാസത്തോടെ വിപണിയിലെത്തും. 25- 30 ലക്ഷമാണ് പ്രതീക്ഷിക്കുന്നത്. ഇലക്ട്രിക് പവര്‍ട്രെയിനിനെ പിന്തുണയ്ക്കുന്നതിനായി നിലവിലുള്ള ഐസിഇ പ്ലാറ്റ്ഫോമിന്റെ വളരെയധികം പരിഷ്‌ക്കരിച്ച പതിപ്പായ ബ്രാന്‍ഡിന്റെ പുതിയ ആക്റ്റി.ഇവി ആര്‍ക്കിടെക്ചര്‍ ഹാരിയര്‍ ഇവി ഉപയോഗിക്കും.
ഹാരിയര്‍ ഇവിയുടെ ബാറ്ററി ശേഷിയെക്കുറിച്ചോ റേഞ്ചിനെക്കുറിച്ചോ ഇതുവരെ ഒരു വാക്കുമില്ല, പക്ഷേ ഒറ്റ ചാര്‍ജില്‍ ഏകദേശം 500 കിലോമീറ്റര്‍ റേഞ്ച് നല്‍കുന്ന 60സണവ ബാറ്ററി പായ്ക്ക് ഇതിന് ഉണ്ടായിരിക്കുമെന്ന് ഞങ്ങള്‍ പ്രതീക്ഷിക്കുന്നു. എസ്യുവി ഓരോ ആക്സിലിലും ഒരു ഇലക്ട്രിക് മോട്ടോര്‍ ഉണ്ടായിരിക്കും, ഇത് ഓള്‍-വീല്‍-ഡ്രൈവ് സജ്ജീകരണം നല്‍കുന്നു. വെഹിക്കിള്‍-ടു-ലോഡ് (V2L), വെഹിക്കിള്‍-ടു-വെഹിക്കിള്‍ (V2V) ചാര്‍ജിംഗ് ശേഷികള്‍ ഉണ്ടായിരിക്കുമെന്ന് ടാറ്റ പരാമര്‍ശിച്ചിട്ടുണ്ട്.
ഡീസല്‍-പവര്‍ ഹാരിയറുമായി ഇന്റീരിയര്‍ ട്രിമ്മുകള്‍ക്കും എക്സ്റ്റീരിയര്‍ ബോഡി പാനലുകള്‍ക്കും ചില സാമ്യതകള്‍ ഉണ്ടാകുമെന്ന് പ്രതീക്ഷിക്കുക, എന്നിരുന്നാലും ഇവി-നിര്‍ദ്ദിഷ്ട മാറ്റങ്ങളോടെ, ഇത് മികച്ച രീതിയില്‍ സജ്ജീകരിച്ചിരിക്കാനും സാധ്യതയുണ്ട്. ലോഞ്ച് ചെയ്യുമ്പോള്‍, മഹീന്ദ്ര XEV 9e, മാരുതി eVitara, ഹ്യുണ്ടായി ക്രെറ്റ EV എന്നിവയ്ക്ക് ഇത് എതിരാളിയാകും.
നിസാന്‍ മാഗ്‌നൈറ്റ് സിഎന്‍ജി
2025 ഏപ്രിലില്‍ നിസാന്‍ മാഗ് നൈറ്റ് കോംപാക്റ്റ് എസ്.യു.വിയുടെ സിഎന്‍ജി പതിപ്പ് പുറത്തിറക്കുമെന്ന് പ്രതീക്ഷിക്കുന്നു. ഡീലര്‍ഷിപ്പ് തലത്തില്‍ ഘടിപ്പിക്കേണ്ട സിഎന്‍ജി കിറ്റിനൊപ്പം 1.0 ലിറ്റര്‍ നാച്ചുറലി ആസ്പിറേറ്റഡ് പെട്രോള്‍ എഞ്ചിനും ഇതില്‍ ലഭിക്കും.
അംഗീകൃത നിസാന്‍ ഡീലര്‍മാര്‍ സിഎന്‍ജി കിറ്റിന് ഒരുവര്‍ഷത്തെ വാറന്റി നല്‍കും. കൃത്യമായ പവര്‍, ടോര്‍ക്ക് കണക്കുകള്‍ ഇതുവരെ വെളിപ്പെടുത്തിയിട്ടില്ല. പക്ഷേ ഇന്ധനക്ഷമത കിലോഗ്രാമിന് 25 കിലോമീറ്ററായി വര്‍ദ്ധിക്കുമെന്ന് പ്രതീക്ഷിക്കുന്നു.
എംജി സൈബര്‍സ്റ്റര്‍
2025 ഏപ്രിലില്‍ എംജി മോട്ടോര്‍ ഇന്ത്യ 2-ഡോര്‍ സ്പോര്‍ട് സ് ഇലക്ട്രിക് കാറായ സൈബര്‍സ്റ്റര്‍ പുറത്തിറക്കും. ഇന്ത്യയിലെ ഏറ്റവും താങ്ങാനാവുന്ന വിലയുള്ള ഇലക്ട്രിക് സ്പോര്‍ട്സ് കാറായിരിക്കും എംജി സൈബര്‍സ്റ്റര്‍. ഏകദേശം 60 ലക്ഷം രൂപ എക്സ്-ഷോറൂം വില പ്രതീക്ഷിക്കുന്നു.
എംജി സെലക്ട് പ്രീമിയം ഷോറൂമുകള്‍ വഴി മാത്രമായിരിക്കും ഇത് വില്‍ക്കുക. എംജി സൈബര്‍സ്റ്ററില്‍ 77kWh ബാറ്ററി പായ്ക്കും ഓള്‍-വീല്‍-ഡ്രൈവ് സജ്ജീകരണത്തിനായി ഡ്യുവല്‍ ഇലക്ട്രിക് മോട്ടോറുകളും ഉണ്ട്. ഡ്യുവല്‍-മോട്ടോര്‍ സജ്ജീകരണം 510bhp ഉം 725Nm പീക്ക് ടോര്‍ക്കും വാഗ്ദാനം ചെയ്യുന്നു. വെറും 3.2 സെക്കന്‍ഡിനുള്ളില്‍ പൂജ്യത്തില്‍ നിന്നും 100kmph കൈവരിക്കാന്‍ ഇതിന് കഴിയും. പുതിയ സൈബര്‍സ്റ്റര്‍ പൂര്‍ണ്ണ ചാര്‍ജില്‍ 580km വരെ ദൂരം നല്‍കുമെന്ന് കമ്പനി അവകാശപ്പെടുന്നു.