റിയല്‍മി പി3 അള്‍ട്രാ 5ജി സ്മാര്‍ട്ട്ഫോണ്‍ ഉടന്‍ ഇന്ത്യയിലെത്തും; സവിശേഷതകള്‍ അറിയാം
ന്യൂഡല്‍ഹി: റിയല്‍മി പി3 അള്‍ട്രാ 5ജി (Realme P3 Ultra 5G) സ്മാര്‍ട്ട്ഫോണ്‍ ഉടന്‍ ഇന്ത്യയില്‍ പുറത്തിറങ്ങും. കമ്പനി തന്നെയാണ് എക്സ് പോസ്റ്റിലൂടെ വിവരം പുറത്തുവിട്ടത്. എന്നിരുന്നാലും കൃത്യമായ ലോഞ്ച് തീയതി ഇതുവരെ സ്ഥിരീകരിച്ചിട്ടില്ല. ഫോണിന്റെ ഡിസൈന്‍ ഒരു പ്രമോഷണല്‍ ഇമേജില്‍ കമ്പനി പുറത്തുവിട്ടിട്ടുണ്ട്.
പ്രമോഷണല്‍ ചിത്രത്തില്‍, റിയല്‍മി ജ3 അള്‍ട്രയുടെ വലത് പ്രൊഫൈലിന്റെ ഡിസൈന്‍ കാണാം. ക്യാമറ ബമ്പില്‍ രണ്ട് വ്യത്യസ്ത വൃത്താകൃതിയിലുള്ള യൂണിറ്റുകളും കാണാം. വോളിയം റോക്കറിന് തൊട്ടുതാഴെയായി, ഓറഞ്ച് നിറത്തിലുള്ള ഒരു പവര്‍ ബട്ടണ്‍ ഉണ്ട്. അടുത്തിടെ പുറത്തിറക്കിയ ഫോണുകളില്‍ റിയല്‍മി നിയോ 7ഃലും സമാനമായ ഒരു പവര്‍ ബട്ടണ്‍ ഉണ്ടായിരുന്നു.
ഫെബ്രുവരിയില്‍ രാജ്യത്ത് പുറത്തിറക്കിയ റിയല്‍മി പി3 പ്രോ 5ജി, റിയല്‍മി പി3എക്സ് 5ജി ഹാന്‍ഡ്സെറ്റുകള്‍ക്കൊപ്പം ഈ സ്മാര്‍ട്ട്ഫോണും അണിചേരും. ഒരു സ്റ്റാന്‍ഡേര്‍ഡ് റിയല്‍മി പി3 വേരിയന്റ് ഈ നിരയില്‍ ചേരുമെന്ന് സൂചന ലഭിച്ചിട്ടുണ്ടെങ്കിലും ഔദ്യോഗിക സ്ഥിരീകരണമൊന്നും ലഭിച്ചിട്ടില്ല. 12 ജിബി റാമും 256 ജിബി സ്റ്റോറേജുമാണ് പുതിയ റിയല്‍മി ഫോണ്‍ നല്‍കുന്നതെന്നും സ്ഥിരീകരിക്കാത്ത റിപ്പോര്‍ട്ടുകളുണ്ട്.
12 ജിബി റാമുമായി വരുന്ന ഈ ഫോണിന് ഏറ്റവും പുതിയ ആന്‍ഡ്രോയ്ഡ് 15-ല്‍ പ്രവര്‍ത്തിക്കാന്‍ കഴിയുമെന്ന പ്രതീക്ഷയും ഉപഭോക്താക്കള്‍ പങ്കുവയ്ക്കുന്നു.
കമ്പനി പുറത്തിറക്കിയ വാര്‍ത്താക്കുറിപ്പില്‍, 'ഹാന്‍ഡ് സെറ്റ് അള്‍ട്രാ ഡിസൈന്‍ അള്‍ട്രാ പെര്‍ഫോമന്‍സ്, അള്‍ട്രാ ക്യാമറ' എന്നിവയുമായി ഉടന്‍ എത്തുമെന്നാണ് അറിയിച്ചിരിക്കുന്നത്. വരും ദിവസങ്ങളില്‍ ഫോണിനെക്കുറിച്ചുള്ള കൂടുതല്‍ വിവരങ്ങള്‍ പുറത്തുവിടുമെന്നും പ്രതീക്ഷിക്കാം.
റിയല്‍മി പി3 അള്‍ട്രയ്ക്ക് മീഡിയ ടെക്കിന്റെ ഡൈമെന്‍സിറ്റി 8300 ടീഇ ചിപ്പ് നല്‍കാമെന്ന് അടുത്തിടെ ഒരു ലിസ്റ്റിംഗ് വെളിപ്പെടുത്തി. മീഡിയടെക് ഡൈമെന്‍സിറ്റി 8350 ചിപ്സെറ്റിനെക്കുറിച്ചും ഊഹാപോഹങ്ങള്‍ വരുന്നുണ്ട്. എങ്കിലും, ഏത് ചിപ്സെറ്റുമായാണ് ഫോണ്‍ വരുന്നതെന്ന് ഇതുവരെ സ്ഥിരീകരിച്ചിട്ടില്ല.
റിയല്‍മി പി3 അള്‍ട്രാ 5ജിയുടെ ക്യാമറയെക്കുറിച്ചോ മറ്റ് സവിശേഷതകളെക്കുറിച്ചോ ഇതുവരെ ഒരു വിവരവുമില്ല. വിലനിര്‍ണയം സംബന്ധിച്ചും റിപ്പോര്‍ട്ടുകള്‍ പുറത്തുവന്നിട്ടില്ല. ഫോണിന്റെ മറ്റ് സവിശേഷതകളും സ്‌പെസിഫിക്കേഷനുകളും വരും ദിവസങ്ങളില്‍ വെളിപ്പെടുത്തുമെന്ന് പ്രതീക്ഷിക്കുന്നു.