പിടിച്ചുനിര്‍ത്തി സ്വര്‍ണവില; ഇന്ന് മാറ്റമില്ല; പവന് 63520 രൂപ
By : Online Desk
Update: 2025-03-03 04:58 GMT
സംസ്ഥാനത്ത് ഇന്ന് സ്വര്‍ണവിലയില്‍ മാറ്റമില്ല. 63520 രൂപയാണ് ഒരു പവന് സ്വര്‍ണത്തിന്റെ വില. ഗ്രാമിന് 7940 രൂപ നല്‍കണം. പണിക്കൂലിയും നികുതിയും വേറെയും. റെക്കോര്‍ഡുകള്‍ ഭേദിച്ച് മുന്നേറിയ സ്വര്‍ണവിലയില്‍ ദിവസങ്ങളുടെ വ്യത്യാസത്തില്‍ ആയിരം രൂപയുടെ ഇടിവാണ് ഉണ്ടായത്. കഴിഞ്ഞ മാസം റെക്കോര്‍ഡ് വിലയ്ക്കും സാക്ഷ്യം വഹിച്ചു. ഫെബ്രുവരി 25ന് പവന് 64,600 രൂപയായി ഉയര്‍ന്ന് പുതിയ ഉയരം കുറിച്ച ശേഷമാണ് സ്വര്‍ണവില താഴേക്ക് പോയത്. സ്വര്‍ണവില 65000 കടക്കുമെന്ന വിപണി വൃത്തങ്ങളുടെ സൂചനകള്‍ പുറത്തുവന്നതിന് പിന്നാലെയാണ് വില 64000ല്‍ താഴെ പോയത്.