വിലയിടിവിന് സ്റ്റോപ്പ്; സ്വര്‍ണവില കൂടി: പവന് 63,520 രൂപ
By : Online Desk
Update: 2025-02-17 05:08 GMT
സംസ്ഥാനത്ത് സ്വര്‍ണവിലയില്‍ കഴിഞ്ഞ ദിവസങ്ങളിലുണ്ടായ വിലയിടിവ് ട്രെന്‍ഡിന് തത്കാലം സ്റ്റോപ്പ്. സ്വര്‍ണ വില തിങ്കളാഴ്ച കൂടി. പവന് 400 രൂപ കൂടി 63,520 രൂപയിലെത്തി. ഗ്രാമിന് 50 രൂപ കൂടി 7940 രൂപയായി. ഈ വര്‍ഷത്തെ റെക്കോര്‍ഡ് വിലയായ 64480 രൂപയിലെത്തിയത് കഴിഞ്ഞാഴ്ചയാണ്. പിന്നീട് വില കുറയുകയായിരുന്നു. ജി.എസ്.ടിയും പണിക്കൂലിയും ഉള്‍പ്പെടെ 70,000ന് മുകളില്‍ ഉപഭോക്താവ് നിലവില്‍ സ്വര്‍ണം പവന് മുടക്കേണ്ടി വരും. ഈ വര്‍ഷം പവന് 65000 രൂപ കടക്കാന്‍ അധികം ദിവസം വേണ്ടിവരില്ലെന്നാണ് വിപണി വൃത്തങ്ങള്‍ സൂചിപ്പിക്കുന്നത.് രാജ്യാന്തര വിപണിയില്‍ ഡോളറിനെതിരായ രൂപയുടെ ഇടിവും ട്രംപിന്റെ പുതിയ ധനനയങ്ങളും സ്വര്‍ണവിലയെ സ്വാധീനിക്കുന്നുണ്ട്. ജനുവരിയുടെ തുടക്കത്തില്‍ 57,200 രൂപയായിരുന്നു ഒരു പവന് സ്വര്‍ണത്തിന്റെ വില.