സ്വര്‍ണവിലയില്‍ ഇടിവ്; വ്യത്യസ്ത നിരക്കുകള്‍ രേഖപ്പെടുത്തി ഇരുസംഘടനകളും

കൊച്ചി: സംസ്ഥാനത്ത് സ്വര്‍ണവിപണിയില്‍ ഇടിവ്. ഇരുസംഘടനകളും വ്യത്യസ്ത നിരക്കുകള്‍ രേഖപ്പെടുത്തി. വ്യാപാരി സംഘടനയിലെ പിളര്‍പ്പ് മൂലമാണ് സംസ്ഥാനത്ത് കുറച്ചുദിവസങ്ങളായി രണ്ട് സ്വര്‍ണനിരക്കുകള്‍ രേഖപ്പെടുത്തുന്നത്.

കഴിഞ്ഞദിവസം സ്വര്‍ണത്തിന് ഒരു വിഭാഗം വില വര്‍ധിപ്പിച്ചപ്പോള്‍ മറു വിഭാഗം കുറച്ചിരുന്നു. ഇത് ജനങ്ങളില്‍ ആശയക്കുഴപ്പം ഉണ്ടാക്കിയിരുന്നു. അടുത്തടുത്ത കടകളില്‍ തന്നെ വ്യത്യസ്ത നിരക്കുകള്‍ രേഖപ്പെടുത്തിയതാണ് ആശയക്കുഴപ്പം ഉണ്ടാക്കിയത്. എന്നാല്‍ ഒരു ഗ്രാം സാധാരണ വെള്ളിക്ക് രണ്ട് വിഭാഗത്തിനും മാറ്റമില്ല.

ഭീമ ഗ്രൂപ് ചെയര്‍മാന്‍ ഡോ. ബി ഗോവിന്ദന്‍ ചെയര്‍മാനും ജസ്റ്റിന്‍ പാലത്ര പ്രസിഡന്റുമായ ഓള്‍ കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്റ്സ് അസോസിയേഷന്‍ മാര്‍ച്ച് ഏഴിനും സ്വര്‍ണവില കുറച്ചതായി വ്യക്തമാക്കി.

തുടര്‍ച്ചയായ രണ്ടാം ദിവസമാണ് സ്വര്‍ണനിരക്ക് കുറച്ചത്. സംഘടനയുടെ തീരുമാനപ്രകാരം, 22 കാരറ്റ് സ്വര്‍ണത്തിന് ഗ്രാമിന് 30 രൂപ കുറച്ച് 7990 രൂപയും പവന് 240 രൂപ കുറച്ച് 63920 രൂപയുമാണ് നിരക്ക്. 18 കാരറ്റ് സ്വര്‍ണത്തിന് ഗ്രാമിന് 20 രൂപ കുറച്ച് 6590 രൂപയും പവന് 160 രൂപ കുറച്ച് 52720 രൂപയുമാണ് വിപണിവില. അതേസമയം, സാധാരണ വെള്ളിയുടെ വില ഗ്രാമിന് 108 രൂപയിലാണ് വ്യാപാരം പുരോഗമിക്കുന്നത്.

അയമു ഹാജി പ്രസിഡന്റും അഡ്വ. എസ് അബ്ദുല്‍ നാസര്‍ സെക്രടറിയുമായ ഓള്‍ കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്റസ് അസോസിയേഷനും (AKGSMA) വെള്ളിയാഴ്ച വില കുറച്ചു.

22 കാരറ്റ് സ്വര്‍ണത്തിന് ഗ്രാമിന് 60 രൂപ കുറച്ച് 8000 രൂപയും പവന് 480 രൂപ കുറച്ച് 64000 രൂപയുമാണ് നിശ്ചയിച്ച വില. 18 കാരറ്റ് സ്വര്‍ണത്തിന് ഗ്രാമിന് 50 രൂപ കുറച്ച് 6585 രൂപയും പവന് 400 രൂപ കുറച്ച് 52680 രൂപയുമാണ് സംഘടന തീരുമാനിച്ച നിരക്ക്. അതേസമയം, സാധാരണ വെള്ളിയുടെ വിലയില്‍ മാറ്റമില്ല. ഗ്രാമിന് 106 രൂപയാണ്.