മനീഷ കൊയ്രാളയും അമ്മയും രക്തേശ്വരി തെയ്യത്തെ തൊഴുതു വണങ്ങുന്നു
പാലക്കുന്ന്: ആറാട്ടുകടവ് -കണ്ണംകുളം രക്തേശ്വരി ക്ഷേത്ര കളിയാട്ടത്തിനെത്തി തെയ്യത്തെ തൊഴുതുവണങ്ങി ബോളിവുഡ് നടി മനീഷ കൊയ്രാള മടങ്ങി. അമ്മ സുഷമയോടൊപ്പമാണ് നടി ക്ഷേത്രത്തിലെത്തിയത്. 'ബോംബെ' സിനിമയുടെ 30-ാം വാര്ഷികത്തിന്റെ ഭാഗമായി സംസ്ഥാന ടൂറിസം വകുപ്പും ബി.ആര്.ഡി.സിയും ചേര്ന്ന് ബേക്കല് കോട്ടയില് സംഘടിപ്പിച്ച പരിപാടിയില് പങ്കെടുക്കുന്നതിനാണ് കഴിഞ്ഞ ദിവസം മനീഷ കൊയ്രാള കുടുംബസമേതം കാസര്കോട്ടെത്തിയത്.