ദുബായ് കെ.എം.സി.സി 'ഈദ് അല്‍ ഇത്തിഹാദ്' ദേശീയ ദിനാഘോഷം; യൂണിറ്റി ഡ്രൈവ് പ്രചരണം നടത്തി
ദുബായ് കെ.എം.സി.സി 'ഈദ് അല്‍ ഇത്തിഹാദ്' ദേശീയ ദിനാഘോഷം യൂണിറ്റി ഡ്രൈവ് പ്രചരണം ദുബായ് കെ.എം.സി.സി ജനറല്‍ സെക്രട്ടറി യഹ്യ തളങ്കര വ്യവസായ പ്രമുഖന്‍ ഹംസ മധൂരിന് ദേശീയ ദിന ലഘുലേഖ വിതരണം ചെയ്ത് ഉദ്ഘാടനം ചെയ്യുന്നു
ദുബായ്: ദുബായ് കെ.എം.സി.സി സംസ്ഥാന കമ്മിറ്റി ഡിസംബര്‍ 2ന് ഉച്ചയ്ക്ക് 1 മണി മുതല്‍ സെഞ്ച്വറി മാളിന് സമീപമുള്ള ശബാബ് അല്‍ അഹ്‌ലി സ്റ്റേഡിയത്തില്‍ സംഘടിപ്പിക്കുന്ന യു.എ.ഇ ദേശീയ ദിനാഘോഷമായ 'ഈദ് അല്‍ ഇത്തിഹാദ് 2025' വിജയകരമാക്കുന്നതിന് ജില്ലാ കമ്മിറ്റി നാഷണല്‍ ഡേ പബ്ലിക് കണക്റ്റിംഗ് ഡ്രൈവ് പ്രചാരണ പരിപാടി സംഘടിപ്പിച്ചു. ദുബായ് കെ.എം.സി.സി സംസ്ഥാന ജനറല്‍ സെക്രട്ടറി യഹ്യ തളങ്കര വ്യവസായ പ്രമുഖന്‍ ഹംസ മധൂരിന് ലഘുലേഖ നല്‍കി ഉദ്ഘാടനം ചെയ്തു. സംസ്ഥാന കെ.എം.സി.സി നേതാക്കളായ അബ്ദുല്ല ആറങ്ങാടി, അഫ്‌സല്‍ മെട്ടമ്മല്‍, ജില്ലാ പ്രസിഡണ്ട് സലാം കന്യപ്പാടി, ആക്ടിങ് ജനറല്‍ സെക്രട്ടറി ബഷീര്‍ പാറപ്പള്ളി, ട്രഷറര്‍ ഡോ. ഇസ്മായില്‍, ജില്ലാ ഭാരവാഹികളായ സി.എച്ച് നൂറുദ്ദീന്‍, ഹനീഫ് ബാവാ നഗര്‍, സുബൈര്‍ അബ്ദുല്ല, ഹസൈനാര്‍ ബീജന്തടുക്ക, സിദ്ദീഖ് ചൗക്കി, മണ്ഡലം ഭാരവാഹികളായ ഇബ്രാഹിം ബേരിക്ക, ഫൈസല്‍ പട്ടേല്‍, അഷ്‌ക്കര്‍ ചൂരി, ഖാലിദ് പാലക്കി, താത്തു തല്‍ഹത്ത്, സുഹൈല്‍ കോപ്പ, മന്‍സൂര്‍ മര്‍ത്യ, യൂസുഫ് ഷേണി, ജബ്ബാര്‍ ബൈദാല, മുഹമ്മദ് കളായി, സലാം പാടലടുക്ക, ഹാരിസ് കൂളിയങ്കാല്‍, ബാവാ കുശാല്‍ നഗര്‍, മുത്തലിബ് കൂളിയങ്കാല്‍, ഷംസു മാഷ് പാടലടുക്ക, മൊയ്തീന്‍ പേരാല്‍ കണ്ണൂര്‍, ബഷീര്‍ കണ്ണൂര്‍, ഷെഫീഖ് പാടലടുക്ക സംബന്ധിച്ചു. ദുബായ് കെ.എം.സി.സി യുടെ ദേശീയദിന പരിപാടിയില്‍ മുസ്ലിംലീഗ് സംസ്ഥാന പ്രസിഡണ്ട് സയ്യിദ് സാദിഖലി തങ്ങള്‍, മന്ത്രിമാര്‍, പത്മശ്രീ യൂസുഫ് അലി, ജനപ്രതിനിധികള്‍, വ്യവസായ പ്രമുഖര്‍ ഉള്‍പ്പെടെ സംബന്ധിക്കും. പ്രശസ്ത പിന്നണി ഗായിക സിത്താര, പ്രശസ്ത ഗായകന്‍ കണ്ണൂര്‍ ഷെരീഫ് തുടങ്ങിയവര്‍ നയിക്കുന്ന ഇശല്‍ വിരുന്ന് പരിപാടിക്ക് മാറ്റ് കൂട്ടും. സാംസ്‌കാരിക ഘോഷയാത്ര, കുട്ടികളുടെ കലാ പരിപാടികള്‍, സ്‌പോട്ട് മത്സരങ്ങള്‍ തുടങ്ങി വിവിധ പരിപാടികള്‍ നടക്കും. ദുബായ് കെ.എം.സി.സി കാസര്‍കോട് ജില്ലാ കമ്മിറ്റി യു. എ.ഇ.യുടെ 54-ാം ദേശീയ ദിനത്തിന്റെ ഭാഗമായി നവംബര്‍ 30ന് മാര്‍ട്ടിയേഴ്‌സ് ഡേ ദിനത്തില്‍ രാവിലെ 8 മണി മുതല്‍ ഉച്ചയ്ക്ക് 2 മണിവരെ മെഗാ ബ്ലഡ് ഡൊണേഷന്‍ ഡ്രൈവും സംഘടിപ്പിക്കും.