ഓട്ടോയിടിച്ച് കാറിന്റെ ഗ്ലാസ് തകര്‍ന്നു; ചോദ്യം ചെയ്തപ്പോള്‍ മര്‍ദ്ദനം
ഹിദായത്ത് ബസാറിലെ മുഹമ്മദ് നവാസിന്റെ പരാതിയില്‍ ഓട്ടോ ഡ്രൈവര്‍ ഷെരീഫിനെതിരെയാണ് പൊലീസ് കേസെടുത്തത്‌
ഉപ്പള : ഓട്ടോയിടിച്ച് കാറിന്റെ ഗ്ലാസ് തകര്‍ന്നു. ഇത് ചോദ്യം ചെയ്ത കാര്‍ യാത്രക്കാരനെ ഓട്ടോ ഡ്രൈവര്‍ മര്‍ദ്ദിച്ചതായി പരാതി. സംഭവത്തില്‍ ഹിദായത്ത് ബസാറിലെ മുഹമ്മദ് നവാസിന്റെ പരാതിയില്‍ ഓട്ടോ ഡ്രൈവര്‍ ഷെരീഫിനെതിരെ പൊലീസ് കേസെടുത്തു.
ഇക്കഴിഞ്ഞ നവംബര്‍ 26ന് ആണ് കേസിനാസ്പദമായ സംഭവം നടന്നത്. നവാസ് ഓടിച്ചുവന്ന കാറിന് കൈക്കമ്പ സര്‍വ്വീസ് റോഡില്‍ വെച്ച് ഷെരീഫിന്റെ ഓട്ടോയിടിക്കുകയായിരുന്നു. ഇതിനെ നവാസ് ചോദ്യം ചെയ്തപ്പോള്‍ മര്‍ദ്ദിച്ചുവെന്നാണ് പരാതി.
Next Story
