കാഞ്ഞങ്ങാട്: ഡി.വൈ.എഫ്.ഐ പ്രവര്ത്തകന് കല്ലൂരാവി പഴയകടപ്പുറത്തെ അബ്ദുല് റഹ്മാന് ഔഫിനെ കൊലപ്പെടുത്തിയ കേസില് റിമാണ്ടില് കഴിയുന്ന പ്രതികളെ കസ്റ്റഡിയില് കിട്ടാന് ക്രൈംബ്രാഞ്ച് കോടതിയില് ഹരജി നല്കി. ചൊവ്വാഴ്ച ഉച്ചയോടെയാണ് യൂത്ത് ലീഗ് നേതാവ് ഇര്ഷാദ്, എം.എസ്.എഫ് നേതാവ് ഹസന്, യൂത്ത് ലീഗ് പ്രവര്ത്തകന് ആഷിര് എന്നിവരെ കസ്റ്റഡിയില് കിട്ടാന് ക്രൈംബ്രാഞ്ച് ഹൊസ്ദുര്ഗ് കോടതിയില് ഹരജി നല്കിയത്. ഹരജി കോടതി ബുധനാഴ്ച പരിഗണിക്കും. ക്രൈംബ്രാഞ്ച് കണ്ണൂര് യൂണിറ്റ് എസ്.പി കെ.കെ മൊയ്തീന്കുട്ടി, അന്വേഷണ ഉദ്യോഗസ്ഥനായ കാസര്കോട് ക്രൈംബ്രാഞ്ച് ഡി.വൈ.എസ്.പി കെ ദാമോദരന് എന്നിവരുടെ നേതൃത്വത്തിലുള്ള സംഘമാണ് ഈ കേസില് അന്വേഷണം നടത്തുന്നത്. കേസിലെ മുഖ്യസാക്ഷികളുടെ മൊഴി അന്വേഷണസംഘം രേഖപ്പെടുത്തിയിരുന്നു. ഔഫിന്റെ കുടുംബത്തിന്റെ മൊഴി ക്രൈംബ്രാഞ്ച് പിന്നീട് രേഖപ്പെടുത്തും.