തിരുവനന്തപുരം: സംസ്ഥാനത്ത് ഒരു മാസത്തിലധികമായി തുടരുന്ന സമ്പൂര്ണ ലോക്ഡൗണില് കൂടുതല് ഇളവ് നല്കണമെന്നാവശ്യപ്പെട്ട് പ്രതിപക്ഷ നേതാവ് വി.ഡി സതീശന് മുഖ്യമന്ത്രി പിണറായി വിജയന് കത്ത് നല്കി. ഏപ്രില് 16 വരെ നീട്ടിയ ലോക്ക്ഡൗണ് ബുധനാഴ്ച അവസാനിരിക്കെയാണ് പ്രതിപക്ഷനേതാവിന്റെ കത്ത്.
മെയ് എട്ടിന് തുടങ്ങിയ ലോക്ഡൗണ് ഇന്ന് 38 ദിവസമാകുകയാണെന്നും ഇനിയും ലോക്ഡൗണ് തുടര്ന്നാല് അത് ജനജീവിതത്തെ സാരമായി ബാധിക്കുമെന്നും അദ്ദേഹം പറഞ്ഞു. കോവിഡ് വ്യാപനം തടയുന്നതിന് ആവശ്യമായ നിയന്ത്രണങ്ങള് തുടരുന്നതിനോടൊപ്പം കൂടുതല് ഇളവുകള് നല്കി ജനജീവിതം സുഗമമാക്കുന്നതിനുള്ള നടപടികള് സര്ക്കാര് സ്വീകരിക്കണമെന്ന് കത്തില് അഭ്യര്ത്ഥിച്ചു.
16 മുതല് സംസ്ഥാനത്ത് ലോക്ക്ഡൗണ് സ്ട്രാറ്റജി മാറുമെന്നും സംസ്ഥാനത്താകെ ഒരേ തലത്തിലുള്ള നിയന്ത്രണവും പരിശോധനയും നടത്തുന്നതിന് പകരം രോഗവ്യാപനത്തിന്റെ തീവ്രത നോക്കി വ്യത്യസ്ത നിയന്ത്രണം ഏര്പ്പെടുത്താനാണ് ഉദ്ദേശമെന്നും വിശദമായ കാര്യങ്ങള് അടുത്ത ദിവസം അറിയിക്കുമെന്നും മുഖ്യമന്ത്രി വൈകീട്ട് വാര്ത്താസമ്മേളനത്തില് വ്യക്തമാക്കിയിരുന്നു.
കത്തിന്റെ പൂര്ണ്ണരൂപം
ബഹു.മുഖ്യമന്ത്രി,
മേയ് മാസം 8-ാം തീയതി മുതല് നമ്മുടെ സംസ്ഥാനത്ത് തുടരുന്ന ലോക്ഡൗണ് ഇന്ന് 38 ദിവസമാകുകയാണ്. ലോക് ഡൗണ് മൂലമുള്ള നിയന്ത്രണങ്ങള് ജനജീവിതത്തെ സാരമായി ബാധിച്ചിരിക്കുകയാണ്. സാധാരണക്കാരുടെ ജീവിതം വളരെയേറെ പ്രയാസത്തിലാണ്. കൂലിവേല ചെയത് ജീവിക്കുന്നവര് , ദിവസവേതനക്കാര്, കര്ഷകര്, വ്യാപാരികള്, കച്ചവടസ്ഥാപനങ്ങളിലെ ജീവനക്കാര്, മോട്ടോര് തൊഴിലാളികള്, അസംഘടിതമേഖലയിലെ തൊഴിലാളികള്, തോട്ടം തൊഴിലാളികള്, തീരമേഖലകളില് മത്സ്യബന്ധനവുമായി ബന്ധപ്പെട്ട് ഉപജീവനം നടത്തുന്നവര്, കച്ചവടസ്ഥാപനങ്ങളിലെ ജീവനക്കാര്, വീട്ടുജോലിക്കാര്, ചെറുകിട സംരംഭകരും അതിലെ തൊഴിലാളികളും എന്ന്തുടങ്ങി നാനതുറയിലും പെട്ടവരുടെ ജീവിതം സ്തംഭിച്ച അവസ്ഥയിലാണ്.
നിരവധി ആളുകളുടെ തൊഴിലും നഷ്ടപ്പെട്ടു.
തുടര്ന്നും ലോക്ഡൗണ് തുടര്ന്നാല് അത് ജനജീവിതത്തെ ഇനിയും സാരമായി ബാധിക്കുമെന്നതില് സംശയമില്ല. കോവിഡ് വ്യാപനം തടയുന്നതിന് ആവശ്യമായ നിയന്ത്രണങ്ങള് തുടരുന്നതിനോടൊപ്പം കൂടുതല് ഇളവുകള് നല്കി ജനജീവിതം സുഗമമാക്കുന്നതിനുള്ള നടപടികള് സര്ക്കാര് സ്വീകരിക്കണമെന്ന് അഭ്യര്ത്ഥിക്കുന്നു.
വി.ഡി.സതീശന്