കണ്ണൂര്: സംസ്ഥാന വനിതാ കമ്മീഷന് മുന് അധ്യക്ഷയും സിപിഎം കേന്ദ്ര കമ്മിറ്റി അംഗവുമായ എം സി ജോസഫൈന് (73) അന്തരിച്ചു. സിപിഎം പാര്ട്ടി കോണ്ഗ്രസില് പങ്കെടുക്കാനെത്തിയ ജോസഫൈനെ കടുത്ത ഹൃദയാഘാതത്തെ തുടര്ന്ന് ശനിയാഴ്ച്ച ആശുപത്രിയില് പ്രവേശിപ്പിക്കുകയായിരുന്നു. ഞായറാഴ്ച്ച ഉച്ചയോടെയായിരുന്നു അന്ത്യം. ജനാധിപത്യ മഹിളാ അസോസിയേഷന് അഖിലേന്ത്യാ വൈസ് പ്രസിഡണ്ട്, സംസ്ഥാന പ്രസിഡണ്ട്, വനിതാ വികസന കോര്പറേഷന് ചെയര്പേഴ്സണ്, വിശാലകൊച്ചി വികസന അതോറിറ്റി ചെയര്പേഴ്സണ് എന്നീ സ്ഥാനങ്ങള് വഹിച്ചു.
1978ല് സിപിഎം അംഗത്വം. 1984ല് എറണാകുളം ജില്ലാ കമ്മിറ്റി അംഗമായി. 1987ല് സംസ്ഥാന കമ്മിറ്റിയിലുമെത്തി. 2002 മുതല് കേന്ദ്ര കമ്മിറ്റി അംഗമാണ്. അങ്കമാലി, മട്ടാഞ്ചേരി നിയമസഭാ മണ്ഡലങ്ങളിലേക്കും ഇടുക്കി ലോക്സഭാ മണ്ഡലത്തിലേക്കും മത്സരിച്ചിരുന്നു.
13 വര്ഷം അങ്കമാലി നഗരസഭാ കൗണ്സിലറായിരുന്നു. നിലവില് മഹിളാ അസോസിയേഷന് കേന്ദ്ര കമ്മിറ്റി അംഗമാണ്. സിഐടിയു അങ്കമാലി ഏരിയ സെക്രട്ടറിയായിരുന്ന പരേതനായ പള്ളിപ്പാട്ട് പി എ മത്തായിയാണ് ഭര്ത്താവ്. മകന്: മനു പി മത്തായി. മരുമകള്: ജ്യോത്സന.