മനാമ: ഇന്ത്യയില് കോവിഡ് വ്യാപനം കുറയാത്ത സാഹചര്യത്തില് കൂടുതല് നടപടികളുമായി ബഹ്റൈന്. ഇന്ത്യക്കാര്ക്ക് പുതിയ തൊഴില് വിസകള് അനുവദിക്കുന്നത് ബഹ്റൈന് താത്കാലികമായി നിര്ത്തിവെച്ചു. കോവിഡ് വ്യാപനത്തിന്റെ പശ്ചാത്തലത്തില് ഇന്ത്യയെ റെഡ് ലിസ്റ്റില് ഉള്പ്പെടുത്തിയതിനെ തുടര്ന്നാണിത്.
ഉള്പ്പെടെയുള്ള ആറ് രാജ്യങ്ങള് റെഡ് ലിസ്റ്റില് ഉള്പ്പെട്ടതിനെ തുടര്ന്നാണ് പുതിയ വിസ അനുവദിക്കുന്നതിനുള്ള നടപടികള് ലേബര് മാര്ക്കറ്റ് റെഗുലേറ്ററി അതോറിറ്റി നിര്ത്തിയത്.
ഇന്ത്യയ്ക്ക് പുറമേ പാകിസ്ഥാന്, ബംഗ്ലാദേശ്, ശ്രീലങ്ക, നേപ്പാള്, വിയറ്റ്നാം എന്നീ രാജ്യങ്ങളും റെഡ് ലിസ്റ്റിലുണ്ട്. ഈ രാജ്യങ്ങളിലെ കോവിഡ് സ്ഥിതിഗതികള് നിയന്ത്രണ വിധേയമായ ശേഷമേ വിസ നല്കല് പുനഃരാരംഭിക്കുകയുള്ളൂവെന്ന് ലേബര് മാര്ക്കറ്റ് റെഗുലേറ്ററി അതോറിറ്റി വ്യക്തമാക്കി.