ലോറിയിടിച്ച് പരിക്കേറ്റ മല്‍സ്യതൊഴിലാളി മരിച്ചു
ബേക്കല്‍ ഹോട്ടല്‍ വളപ്പ് ഹൗസിലെ പരേതനായ ദാസന്റെയും നളിനിയുടെയും മകന്‍ ഡി പ്രകാശ് ആണ് മരിച്ചത്;
By : Online correspondent
Update: 2025-11-29 06:39 GMT
ബേക്കല്‍ : ലോറിയിടിച്ച് ഗുരുതരമായി പരിക്കേറ്റ നിലയില്‍ ആശുപത്രിയില്‍ ചികില്‍സയിലായിരുന്ന മല്‍സ്യതൊഴിലാളി മരിച്ചു. ബേക്കല്‍ ഹോട്ടല്‍ വളപ്പ് ഹൗസിലെ പരേതനായ ദാസന്റെയും നളിനിയുടെയും മകന്‍ ഡി പ്രകാശ്(46) ആണ് കാസര്‍കോട് ജനറല്‍ ആസ്പത്രിയില്‍ ചികില്‍സയില്‍ കഴിയുന്നതിനിടെ മരിച്ചത്. കഴിഞ്ഞ ജൂണ്‍ 6ന് പുലര്‍ച്ചെ മല്‍സ്യബന്ധനത്തിന് പോകുകയായിരുന്ന പ്രകാശനെ അമിതവേഗതയിലെത്തിയ ലോറി ഇടിക്കുകയായിരുന്നു.
പ്രകാശന് കാസര്‍കോട്ടെ സ്വകാര്യാസ്പത്രിയിലും പിന്നീട് മംഗളൂരുവിലെ ആസ്പത്രിയിലും മാസങ്ങളോളം ചികില്‍സ നല്‍കിയെങ്കിലും നിലയില്‍ മാറ്റമുണ്ടായില്ല. ഇതേ തുടര്‍ന്ന് കാസര്‍കോട് ജനറല്‍ ആസ്പത്രിയിലേക്ക് മാറ്റിയിരുന്നു. കഴിഞ്ഞ ദിവസം രാത്രിയാണ് മരണം സംഭവിച്ചത്. സഹോദരങ്ങള്‍ : പ്രദീപ്, പ്രീത.