പീഡന കേസില്‍ ഒളിവിലായിരുന്ന പ്രതി 11 വര്‍ഷങ്ങള്‍ക്ക് ശേഷം ലക്നൗ വിമാനത്താവളത്തില്‍ പിടിയില്‍
ചെമ്മനാടിലെ അബ്ദുല്‍ ഷഹീലാണ് അറസ്റ്റിലായത്;
By : Online correspondent
Update: 2025-11-29 07:03 GMT
കാസര്‍കോട്: പീഡന കേസില്‍ ഒളിവിലായിരുന്ന പ്രതിയെ 11 വര്‍ഷത്തിന് ശേഷം പിടികൂടി. ചെമ്മനാടിലെ അബ്ദുല്‍ ഷഹീലാണ് അറസ്റ്റിലായത്. വിദ്യാനഗര്‍ സി.ഐ. കെ.പി. ഷൈന്‍, എസ്.ഐ. സഫ് വാന്‍, സിവില്‍ പൊലീസ് ഓഫീസര്‍ സജിത് നായര്‍ എന്നിവരുടെ നേതൃത്വത്തില്‍ പ്രതിയെ ലക്നൗ വിമാനത്താവളത്തില്‍ വെച്ചാണ് പിടികൂടിയത്.
2014 ലെ ഒരു പീഡന കേസില്‍ പ്രതിയാണ് ഷഹീല്‍. തുടര്‍ന്ന് 11 വര്‍ഷത്തോളം ഗള്‍ഫില്‍ ഒളിവില്‍ കഴിയുകയായിരുന്നു. വിചാരണ വേളയില്‍ കോടതിയില്‍ ഹാജരായില്ല. പ്രതിക്കെതിരെ ലുക്കൗട്ട് നോട്ടീസ് പുറപ്പെടുവിച്ചിരുന്നു. അതിനിടെയാണ് നാട്ടിലേക്ക് മടങ്ങാനുള്ള ശ്രമത്തിനിടെ വിമാനത്താവളത്തില്‍ വെച്ച് പൊലീസ് പിടികൂടുന്നത്.