കുഴിയില് വീണ പശുവിന് രക്ഷകരായി അഗ്നിരക്ഷാസേന
പുല്ലുമേയുന്നതിനിടെ അബദ്ധത്തില് കാല്വഴുതി വീഴുകയായിരുന്നു;
ബദിയടുക്ക : കുഴിയില് വീണ പശുവിനെ അഗ്നിരക്ഷാ സേന രക്ഷപ്പെടുത്തി. ബേളയിലെ അബ്ദുല് ഖാദറിന്റെ വീട്ടുപറമ്പിലെ ആറടി താഴ്ചയും ആറടി നീളവും മൂന്നടി വീതിയും ഉള്ള കുഴിയിലേക്ക് പുല്ലു മേയ്യുന്നതിനിടയില് അബദ്ധവശാല് കാല്വഴുതി ഗര്ഭിണിയായ പശു വീഴുകയായിരുന്നു. വീട്ടുകാര് നാട്ടുകാരുടെ സഹായത്താല് പശുവിനെ എടുക്കാന് ശ്രമം നടത്തിയെങ്കിലും സാധിക്കാതെ വന്നതിനാല് കാസര്കോട് അഗ്നിരക്ഷാസേനയെ വിവരം അറിയിക്കുകയായിരുന്നു.
അസിസ്റ്റന്റ് സ്റ്റേഷന് ഓഫീസര് ആര്. വിനോദ് കുമാറിന്റെ നേതൃത്വത്തില് സേനാംഗങ്ങള് ക്യാന്വാസ് ഹോസ്, കയര് എന്നിവ ഉപയോഗിച്ച് കെട്ടി കുഴിയില് നിന്നും പശുവിനെ കരയ്ക്ക് കയറ്റുകയായിരുന്നു. പശുവിന്റെ ഉടമസ്ഥനാരാണെന്ന് അറിയാന് കഴിഞ്ഞിട്ടില്ല. സേനാംഗങ്ങളായ എസ്.അരുണ് കുമാര്, ജെ. ബി. ജിജോ, വൈശാഖ് പാര്ത്ഥസാരഥി എം.എം. അരുണ്കുമാര്, ജെ.അനന്തു, ഫയര് വുമണ്, അരുണ പി നായര് ഹോംഗാര്ഡുമാരായ വി. രാജു, കെ. സുമേഷ് എന്നിവര് സംഘത്തിലുണ്ടായിരുന്നു.