കാഞ്ഞങ്ങാട്: മംഗളൂരു ഉപ്പിനങ്ങാടി പേരെന്നൈയില് വാഹനാപകടത്തില് കാഞ്ഞങ്ങാട് സ്വദേശിയായ മെഡിക്കല് ലാബ് വിദ്യാര്ഥി മരിച്ചു. സുഹൃത്ത് ടോണിക്ക് പരിക്കേറ്റു. നിട്ടടുക്കത്തെ പരേതനായ സതീഷ്റാവു-പ്രീതി ദമ്പതികളുടെ മകന് പ്രജ്വല് (21) ആണ് മരിച്ചത്. കഴിഞ്ഞ ദിവസം രാത്രി ഉപ്പിനങ്ങാടിയിലാണ് അപകടം.
പ്രജ്വലും സുഹൃത്തും സഞ്ചരിച്ച ബൈക്കില് ട്രക്കിടിക്കുകയായിരുന്നു. മംഗളൂരു കെ.എസ്. ഹെഗ്ഡെ മെഡിക്കല് കോളേജിലെ മൂന്നാം വര്ഷ എം.എല്.ടി വിദ്യാര്ഥിയാണ്.