updated on:2019-01-12 08:43 PM
പ്രവാസി ഇന്ത്യക്കാരെ കയ്യിലെടുത്ത് രാഹുല്‍ ഗാന്ധി; ഇന്ന് അബുദാബി ഗ്രാന്റ് മോസ്‌കില്‍

www.utharadesam.com 2019-01-12 08:43 PM,
ദുബായ്: എ.ഐ.സി.സി. പ്രസിഡണ്ട് രാഹുല്‍ ഗാന്ധിയുടെ രണ്ട് ദിവസത്തെ യു.എ.ഇ. സന്ദര്‍ശനം ഗള്‍ഫ് പ്രവാസികളില്‍ അളവറ്റ ആവേശമാണ് നിറച്ചത്. ലോക്‌സഭാ തിരഞ്ഞെടുപ്പ് അടുത്ത് വരുന്ന സാഹചര്യത്തില്‍ രാഹുലിന്റെ ഗള്‍ഫ് സന്ദര്‍ശനം കോണ്‍ഗ്രസിന് ഏറെ ഗുണകരമാകുമെന്നാണ് പ്രതീക്ഷിക്കുന്നത്. രണ്ട് ദിവസത്തെ സന്ദര്‍ശനത്തില്‍ പ്രവാസികളുടെ മനം കവരാന്‍ അദ്ദേഹത്തിന് കഴിഞ്ഞു. ദുബായ് ഇന്റര്‍ നാഷണല്‍ സ്റ്റേഡിയത്തില്‍ തന്നെ കാണാനും കേള്‍ക്കാനും തടിച്ച് കൂടിയ പതിനായിരങ്ങളെ ഇളക്കി മറിച്ചാണ് രാഹുല്‍ മടങ്ങിയത്. രാഹുല്‍ ഗാന്ധി നടത്തിയ പ്രസംഗം യു.എ.ഇയിലുള്ള ഇന്ത്യന്‍ ജനതയെ ആവേശഭരിതമാക്കി. ഇന്നലെ ഉച്ച മുതല്‍ യു.എ.ഇയുടെ വിവിധ ഭാഗങ്ങളില്‍ നിന്ന് മലയാളികള്‍ അടക്കമുള്ളവരുടെ കുത്തൊഴുക്കായിരുന്നു ഇന്റര്‍ നാഷണല്‍ ക്രിക്കറ്റ് സ്റ്റേഡിയത്തിലേക്ക്. ജബല്‍ അലി ലേബര്‍ ക്യാമ്പിലെത്തിയ രാഹുല്‍ ഗാന്ധി തൊഴിലാളികളുമായി നടത്തിയ സംഭാഷണവും ശ്രദ്ധേയമായി. രാഹുല്‍ ഇന്ന് അബുദാബിയിലെത്തും. ഇന്ത്യന്‍ വ്യവസായികളുമായുള്ള ചര്‍ച്ചകള്‍ക്ക് ശേഷം അദ്ദേഹം അബുദാബിയിലെ ഷെയ്ഖ് സായിദ് ഗ്രാന്റ് മോസ്‌ക് സന്ദര്‍ശിക്കും. പ്രമുഖ ഗള്‍ഫ് വ്യവസായി എം.എ. യൂസഫലി അടക്കമുള്ളവര്‍ അദ്ദേഹത്തോടൊപ്പം ഉണ്ടാവും. രാഹുല്‍ ഗാന്ധി ഇന്നലെ യു.എ.ഇ. വൈസ് പ്രസിഡണ്ടും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മഖ്തൂമുമായി നടത്തിയ കൂടിക്കാഴ്ചയും ശ്രദ്ധേയമായി. രാഹുല്‍ നാളെ ഇന്ത്യയിലേക്ക് മടങ്ങും.



Recent News
  ജോലി സ്ഥലത്ത് 'പാര്‍ട്ടി പൊപ്പര്‍' പൊട്ടി ഒരു കണ്ണിന്റെ കാഴ്ച നഷ്ടപ്പെട്ടു; കുമ്പള സ്വദേശി നിയമ നടപടിക്ക്

  ഇശല്‍ ബൈത്ത്: ബ്രോഷര്‍ പ്രകാശനം ദുബായില്‍ നടന്നു

  എം.ഐ.സി അബുദാബി ചാപ്റ്റര്‍ ഭാരവാഹികള്‍

  കെ.എം.സി.സി പെരുന്നാള്‍ ടൂര്‍ സംഘടിപ്പിച്ചു

  ദുബായിലെ ബസ്സപകടം; മരിച്ചവരില്‍ 6 മലയാളികള്‍

  അഹ്‌ലന്‍ മദ്രസാ പദ്ധതി ഉദ്ഘാടനം 2ന്

  'അല്‍ ആഷിയാന എച്ച്ആര്‍ കണ്‍സല്‍ട്ടന്‍സി' ഇഫ്താര്‍ സംഗമം നടത്തി

  മജ്‌ലിസുന്നൂറും ഇഫ്ത്താര്‍ സംഗമവും സംഘടിപ്പിച്ചു

  ജെ.സി.ഐ. കാസര്‍കോടിന്റെ വിദ്യാഭ്യാസ എക്‌സ്‌പോ ശ്രദ്ധേയമായി

  സല്‍കര്‍മ്മങ്ങള്‍ കൊണ്ട് കരുത്താര്‍ജിക്കാനുള്ള സമര്‍പ്പണമാണ് വിശ്വാസിയുടെ സമ്പാദ്യം-യു.എം

  'രോഗ പ്രതിരോധ ബോധവല്‍ക്കരണത്തില്‍ പ്രവാസികള്‍ കൂടുതല്‍ ശ്രദ്ധ ചെലുത്തണം'

  ദുബായ് അന്താരാഷ്ട്ര ഹോളി ഖുര്‍ആന്‍ അവാര്‍ഡ്; പ്രഭാഷണം 15ന്

  കാസര്‍കോട് സോക്കര്‍ ലീഗ്; ബൗണ്‍സ് ഖത്തര്‍ ജേതാക്കള്‍

  കെ.എം.സി.സി ഹെല്‍ത്തി ഫ്രൈഡേ സംഘടിപ്പിച്ചു

  ജേഴ്‌സി പ്രകാശനം ചെയ്തു