updated on:2018-04-28 03:26 PM
മൂന്ന് പതിറ്റാണ്ടിന്റെ പ്രവാസ ജീവിതം, ബായാര്‍ ഇബ്രാഹിം മുസ്‌ലിയാര്‍ നാട്ടിലേക്ക്

www.utharadesam.com 2018-04-28 03:26 PM,
അബുദാബി : മൂന്ന് പതിറ്റാണ്ടിന്റെ പ്രവാസം പൂര്‍ത്തിയാക്കി കാസര്‍കോട് ജില്ലയിലെ ബായാര്‍ കറവപ്പാടി ഇബ്രാഹിം മുസ്‌ലിയാര്‍ നാട്ടിലേക്ക്. 1988ലാണ് ആദ്യമായി അബുദാബിയിലെത്തിയത്. മുശ്രിഫിലെ ശൈഖ് ഹംദാന്റെ പാലസില്‍ ഏഴ് വര്‍ഷം സേവനം ചെയ്തതിന് ശേഷം അബുദാബി ഒമാന്‍ സ്ഥാനപതി കാര്യാലയത്തില്‍ സ്ഥാനപതിയുടെ മെസഞ്ചറായി 21 വര്‍ഷം സേവനം ചെയ്തതിന് ശേഷമാണ് ഇബ്രാഹിം മുസ്‌ലിയാര്‍ നാട്ടിലേക്ക് പോകുന്നത്. കര്‍ണാടകയിലേയും കേരളത്തിലേയും വിവിധ സ്ഥാപങ്ങളുടെ അബുദാബി കമ്മിറ്റിയില്‍ പ്രവര്‍ത്തിച്ചിരുന്ന മുസ്‌ലിയാര്‍ കര്‍ണാടക കള്‍ച്ചറല്‍ ഫൗണ്ടേഷന്റെ സജീവ പ്രവര്‍ത്തകനാണ്. കഴിഞ്ഞ ദിവസം അബുദാബിയിലെ ഒമാന്‍ സ്ഥാനപതി കാര്യാലയത്തില്‍ നടന്ന ചടങ്ങില്‍ സ്ഥാനപതി കാര്യാലയത്തിലെ ജീവനക്കാര്‍ യാത്രയപ്പ് നല്‍കി. യു.എ.ഇ. യിലെ മുന്‍ ഒമാന്‍ സ്ഥാനപതിയും സലാല ഗവര്‍ണറുമായിരുന്ന ശൈഖ് മുഹമ്മദ് ബിന്‍ മര്‍ഹൂന്‍ അല്‍ മഹാമരി, മുന്‍ സ്ഥാനപതി ശൈഖ് മുഹമ്മദ് ബിന്‍ അബ്ദുല്ല കത്ബി എന്നിവരുടെ കീഴിലെ സേവനം മറക്കാന്‍ കഴിയില്ലെന്ന് ഇബ്രാഹിം മുസ്‌ലിയാര്‍ പറഞ്ഞു. സ്ഥാനപതി കാര്യാലയത്തില്‍ നടന്ന ചടങ്ങില്‍ ഒമാന്‍ യു.എ.ഇ . സ്ഥാനപതി ഡോക്ടര്‍ ഖാലിദ് ബിന്‍ സൈദ് അല്‍ ജരാദി, ചീഫ് ഓഫ് മിഷന്‍ അബ്ദുല്ല ബിന്‍ ഹമൂദ് അല്‍ മാവേലി, ഫിനാന്‍സ് കണ്‍ട്രോളര്‍ ഉമര്‍ ബിന്‍ ദാവൂദ് അല്‍ സദ്ജലി എന്നിവര്‍ പങ്കെടുത്തു.



Recent News
  ബി.എം.ബാവ ഹാജിക്ക് യാത്രയയപ്പ് നല്‍കി

  യു.എ.ഇ കളനാട് മഹല്‍ സംഗമം 29ന്

  ഖത്തര്‍ കെ.എം.സി.സി ജില്ലാ കമ്മിറ്റി മുസ്ലിം ലീഗ് സ്ഥാപകദിനം ആഘോഷിച്ചു

  ദുബായ് കെ.എം.സി.സി പള്ളിക്കര പഞ്ചായത്ത് കമ്മിറ്റി

  ലീഗ് സ്ഥാപക ദിനാഘോഷവും സ്വീകരണവും സംഘടിപ്പിച്ചു

  കെ.എം.സി.സി ക്രിക്കറ്റ് ഫെസ്റ്റ്; കാറഡുക്ക ജേതാക്കള്‍

  യാത്രയയപ്പ്

  ചെര്‍ക്കളം അബ്ദുല്ല സ്മാരക സോക്കര്‍ ലീഗ് സംഘടിപ്പിച്ചു

  യു.എ.ഇ കോപ്പ മീറ്റ് നാളെ

  സുഹൈര്‍ തളങ്കരയെ ആദരിച്ചു

  ഖത്തര്‍ കെ.എം.സി.സി ക്യാമ്പ് നടത്തി

  ജി.സി.സി.-കെ.എം.സി.സി. ചൗക്കി മേഖലാ ഗ്രാന്റ് മീറ്റ് നടത്തി

  ബീരിച്ചേരി അബ്ദുല്‍ റഹ്മാന്‍ മാസ്റ്ററെ അനുസ്മരിച്ചു

  ഹൈദരാബാദില്‍ കെ.എം സി.സി രൂപീകരിച്ചു

  മത ഭൗതീക വിദ്യാഭ്യാസത്തിന് പ്രചോദനം പ്രവാസികള്‍-പയ്യക്കി ഉസ്താദ് അക്കാദമി