updated on:2018-03-12 02:22 PM
സൗഹാര്‍ദ്ദത്തിന്റെ മധുരം നുകര്‍ന്ന് 'പൊല്‍സ്' ഉല്ലാസ യാത്ര

www.utharadesam.com 2018-03-12 02:22 PM,
ദുബായ്: പ്രവാസത്തിന്റെ വിരസത മനസ്സുകളിലേക്ക് ഉന്മേഷം പകരുകയും കെ.എം.സി.സി പ്രസ്ഥാനത്തിലൂടെ വിരിഞ്ഞ സൗഹൃദങ്ങളെ ഊട്ടിയുറപ്പിക്കുകയും ചെയ്യുക എന്ന ലക്ഷ്യമുയര്‍ത്തി ജില്ലയിലെ വിവിധ മണ്ഡലങ്ങളിലെ പ്രവര്‍ത്തകര്‍ ദുബായില്‍ നിന്നും ഖോര്‍ഫുക്കാനിലേക്ക് നടത്തിയ പൊല്‍സ് എന്ന പേരിലുള്ള നാലാമത് ഉല്ലാസ യാത്ര വേറിട്ട അനുഭവമായി മാറി.
സുഹൃദ് ബന്ധങ്ങളുടെ ദൃഡതയ്ക്കും പുതിയ സൗഹാര്‍ദ്ദങ്ങള്‍ കൂട്ടിച്ചേര്‍ക്കാനും ഉല്ലാസയാത്രകളിലൂടെ സാധിക്കുമെന്നും വിനോദത്തോടൊപ്പം വിജ്ഞാനവും പകര്‍ന്നു തരുന്ന 'പൊല്‍സ്-2018' എന്ന പൊല്‍സ് യാത്ര യാത്രികര്‍ക്ക് നവോന്മേഷം നല്‍കുന്നതോടൊപ്പം മനസ്സിന്റെ പിരിമുറുക്കങ്ങള്‍ക്ക് അയവു വരുത്തുമെന്നും ദുബായ് കെ.എം.സി.സി ജില്ലാ പ്രസിഡണ്ട് ഹംസ തൊട്ടി അഭിപ്രായപ്പെട്ടു.
കെ.എം.സി.സി ആസ്ഥാനത്ത് നിന്നും ഫുജൈറയിലെ ഖോര്‍ഫുക്കാന്‍ തീരത്തേക്ക് പുറപ്പെട്ട വിനോദ-വിജ്ഞാന യാത്രയായ 'പൊല്‍സ്-2018' ഫഌഗ് ഓഫ് ചെയ്തു സംസാരിക്കുകയായിരുന്നു അദ്ദേഹം.
കെ.എം.സി.സി എന്ന പ്രസ്ഥാനത്തിലൂടെ പരിചയപ്പെട്ട യു. എ.ഇയുടെ വിവിധ സ്ഥലങ്ങളില്‍ പ്രവാസികളായ കാസര്‍കോട് നിവാസികളാണ് വിനോദയാത്രയില്‍ അണിചേര്‍ന്നത്.
അല്‍ബറഹ കെ.എം.സി.സി പരിസരത്ത് യാത്രയുടെ അമീര്‍ റാഫി പള്ളിപ്പുറത്തിന് കെ.എം.സി.സി ലീഡര്‍ ഹംസ തൊട്ടി ഫഌഗ് കൈമാറി. അബ്ദുല്ല ആറങ്ങാടി, മുനീര്‍ ചെര്‍ക്കള, സലാം കന്യപ്പാടി, ഫൈസല്‍ പട്ടേല്‍, റാഫി പള്ളിപ്പുറം പ്രസംഗിച്ചു. ഹനീഫ ടി.ആര്‍, ഇസ്മയില്‍ നാലാംവാതുക്കല്‍, അസീസ് കമാലിയ, സി.എ ബഷീര്‍ പള്ളിക്കര, മുഹമ്മദ് ചെമ്പരിക്ക, ഉപ്പി കല്ലങ്കൈ, ഇല്യാസ് കട്ടക്കാല്‍, ഷബീര്‍ കീഴൂര്‍, സിദ്ദീഖ് അഡൂര്‍, ഹക്കീര്‍ ചെരുമ്പ നേതൃത്വം നല്‍കി.
ബുര്‍ദ്ദാലാപനം, മാപ്പിളപ്പാട്ട്, പ്രാസ്ഥാനിക ഗാനം, അന്താക്ഷരി, ക്വിസ് മത്സരം തുടങ്ങിയവയും ഖോര്‍ഫുക്കാന്‍ തീരത്ത് പന്ത് കളി, ഗോരി, വടംവലി, ചാക്ക് റൈസ്, ബലൂണ്‍റൈസ്, ഫുഡ്‌ബോള്‍, ഭാവാഭിനയം തുടങ്ങിയ വിനോദ വിജ്ഞാന പരിപാടികള്‍ സംഘടിപ്പിച്ചു. ബഷീര്‍ പെരുമ്പള, മുഹമ്മദ് പള്ളിക്കര, മുനീര്‍ പള്ളിപ്പുറം, നിസാം ചൗക്കി, ഹനീഫ് കട്ടക്കാല്‍, നൗഫല്‍ ചേരൂര്‍, ഖലീല്‍ ചൗക്കി, ഹസീബ് മടം, അഷറഫ് അതിഞ്ഞാല്‍, റൗഫ് അഡൂര്‍, ഉമര്‍ അബ്ദുല്ല ചേരൂര്‍, റാഫി ചെരുമ്പ, മാസ്റ്റര്‍ സഅദ് ബഷീര്‍, മാസ്റ്റര്‍ ഷാദ് കന്യപ്പാടി തുടങ്ങിയവര്‍ ട്രോഫികളും സമ്മാനങ്ങളും വിതരണം ചെയ്തു.



Recent News
  ഉത്തരേന്ത്യയിലെ നിര്‍ധന വിദ്യാര്‍ത്ഥികള്‍ക്കുള്ള സ്‌കൂള്‍ കിറ്റ് പദ്ധതിക്ക് സഹായവുമായി ഖത്തര്‍-കാസര്‍കോട് ജില്ലാ കെ.എം.സി.സി

  ദാറുല്‍ ഹുദാ കുടുംബത്തില്‍ കണ്ണിചേര്‍ന്നവരെ കെ.എം.സി.സി. അഭിനന്ദിച്ചു

  സൗദിയില്‍ മലയാളി ഡ്രൈവര്‍മാര്‍ തൊഴില്‍ നഷ്ടപ്പെട്ട് നാട്ടിലേക്ക് മടങ്ങുന്നു

  കൊടുംചൂടില്‍ ഖത്തര്‍ വേവുന്നു; നോമ്പിന്റെ സമയ ദൈര്‍ഘ്യം 15 മണിക്കൂറിലേറെ

  കെ.എം.സി.സി നോമ്പുതുറ സംഘടിപ്പിച്ചു

  ബ്രോഷര്‍ പ്രകാശനം ചെയ്തു

  മുസ്‌ലിം ലീഗ് നേതാക്കള്‍ക്ക് സ്വീകരണം നല്‍കി

  ഇഫ്താര്‍ സംഗമം നടത്തി

  ഖുര്‍ആനിന്റെ വിസ്മയ തലങ്ങള്‍ തീര്‍ത്ത് ഹോളി ഖുര്‍ആന്‍ പ്രഭാഷണം

  ബാങ്കോട്-ഗള്‍ഫ് ജമാഅത്ത്; സമീര്‍ പ്രസി., സാബിത്ത് ജന.സെക്ര., ഖലീല്‍ ട്രഷ.

  'എം.ഐ.സി. മത-ഭൗതിക വിദ്യാഭ്യാസത്തിന്റെ ഉറവിടം'

  കരുണയുടേയും സഹജീവി സ്‌നേഹത്തിന്റെയും വക്താക്കളാവണം-യഹ്‌യ തളങ്കര

  'ബി.ജെ.പി. ഭരണത്തില്‍ ജനാധിപത്യത്തിന് ഭീഷണി'

  ഗസ്സാലി പ്രീമിയര്‍ ലീഗില്‍ ടൈഗേര്‍സ് ഗസ്സാലി ജേതാക്കള്‍

  'അവശത അനുഭവിക്കുന്ന ഉസ്താദുമാരെ സഹായിക്കും'