updated on:2019-06-09 05:52 PM
മഡിയന്‍ കൂലോം ക്ഷേത്രത്തിലെ അപൂര്‍വ്വ ദാരുശില്‍പങ്ങള്‍ സംരക്ഷിക്കും -മന്ത്രി

www.utharadesam.com 2019-06-09 05:52 PM,
കാഞ്ഞങ്ങാട്: മഡിയന്‍ കൂലോം ക്ഷേത്രപാലക ക്ഷേത്രത്തിലെ അപൂര്‍വ ദാരുശില്‍പങ്ങള്‍ സംരക്ഷിക്കുന്നതിന് നടപടി എടുക്കുമെന്ന് മന്ത്രി ഇ.ചന്ദ്രശേഖരന്‍ പറഞ്ഞു. ഇന്നലെ ക്ഷേത്രത്തിലെത്തിയ മന്ത്രി ദാരുശില്‍പങ്ങള്‍ സ്ഥിതി ചെയ്യുന്ന പടിഞ്ഞാറെ ഗോപുരവും കുളപ്പുര ഗോപുരവും പടിഞ്ഞാറെ കൊട്ടുംപുറവും നടന്നു കണ്ട ശേഷം നാട്ടുകാരുമായി സംസാരിക്കുകയായിരുന്നു. കെ.കുഞ്ഞിരാമന്‍ എം.എല്‍.എ.യും മന്ത്രിക്കൊപ്പം ഉണ്ടായിരുന്നു. ദേവസ്വം, ടൂറിസം, പുരാവസ്തു വകുപ്പുമായി കൂടിയാലോചിച്ചായിരിക്കും സംരക്ഷണ നടപടി എടുക്കുകയെന്നും മന്ത്രി പറഞ്ഞു.
ഇതിനായി ബന്ധപ്പെട്ട വകുപ്പ് മന്ത്രിമാരെ ക്ഷേത്രം സന്ദര്‍ശിക്കുന്നതിന് ക്ഷണിക്കുമെന്ന ഉറപ്പും മന്ത്രി നല്‍കി. ചരിത്രത്തില്‍ സ്ഥാനം പിടിച്ച ദാരുശില്‍പങ്ങള്‍ പുകയേറ്റ് കരിപിടിച്ചും മേല്‍ക്കൂര ചോര്‍ന്നൊലിച്ചുമാണ് നശിച്ചുകൊണ്ടിരിക്കുന്നത്.
വര്‍ഷങ്ങള്‍ക്ക് മുന്‍പ് നടന്ന നവീകരണത്തിലാണ് ക്ഷേത്ര കുളപ്പുര മേല്‍ത്തട്ടിലെ ദാരുശില്‍പങ്ങള്‍ അലൂമിനിയം പെയിന്റടിച്ച് നശിപ്പിച്ചത്.
തനിമ നഷ്ടപ്പെട്ട ഈശില്‍പ്പങ്ങള്‍ ഇപ്പോള്‍ മേല്‍ക്കുര ചോര്‍ന്നു ദ്രവിച്ചുകൊണ്ടിരിക്കുകയാണ്.
ക്ഷേത്രത്തിലെത്തിയ മന്ത്രിയെ എക്്‌സിക്യൂട്ടീവ് ഓഫീസറും സ്ഥാനികരും ജീവനക്കാരും ചേര്‍ന്ന് സ്വീകരിച്ചു. അജാനൂര്‍ പഞ്ചായത്തംഗം ഷീബ ഉമ്മര്‍, സി.പി.ഐ.ജില്ലാ സെക്രട്ടറി ഗോവിന്ദന്‍ പള്ളിക്കാപ്പില്‍, മലബാര്‍ ദേവസ്വം ബോര്‍ഡ് അംഗം എ. അമ്പൂഞ്ഞി, ഡി.ടി.പി.സി.സെക്രട്ടറി ബിജുരാഘവന്‍, ക്ഷേത്ര പാരമ്പര്യ ട്രസ്റ്റി വി.എം. കുഞ്ഞിക്കണ്ണന്‍നായര്‍ മഡിയന്‍ നായരച്ഛന്‍, എ. ദാമോദരന്‍, ജ്യോതിബസു തുടങ്ങിയവരുമായി മന്ത്രി ആശയവിനിമയം നടത്തി.



Recent News
  കോയിപ്പാടിയില്‍ കടല്‍ഭിത്തി നിര്‍മ്മിക്കാന്‍ സര്‍ക്കാറിനോട് ആവശ്യപ്പെടും -ഉണ്ണിത്താന്‍

  ഹൃദ്യലക്ഷ്മിയെ അനുമോദിച്ചു

  പി.എന്‍.പണിക്കര്‍ സ്മാരക അവാര്‍ഡ് ഷാഹിന സലീമിന്

  ജില്ലാ റൈഫിള്‍ അസോസിയേഷന്‍ ആസ്ഥാനമന്ദിരത്തിന് അമ്പലത്തറയില്‍ തറക്കല്ലിട്ടു

  ഗിരീഷ് കര്‍ണാടിന് ശ്രദ്ധാഞ്ജലി

  നാട്ടുകാര്‍ കൈകോര്‍ത്തു; പള്ളത്ത് വെളിച്ച വിപ്ലവം

  വിദ്യാര്‍ത്ഥികള്‍ ലക്ഷ്യബോധമുള്ള സ്വപ്‌നങ്ങള്‍ കാണണം-രാജ്‌മോഹന്‍ ഉണ്ണിത്താന്‍

  ലയണ്‍സ് ക്ലബ്ബ് സ്ഥാനാരോഹണം നടത്തി

  ലയം കലാക്ഷേത്രം ഉദ്ഘാടനം ചെയ്തു

  എന്‍ഡോസള്‍ഫാന്‍ ബാധിത മേഖലയില്‍ സാന്ത്വന സ്പര്‍ശവുമായി അവര്‍ വീണ്ടുമെത്തി

  രുചിയുടെ വൈവിധ്യങ്ങളുമായി ചക്ക മഹോത്സവം

  ദുബായ് കെ.എം.സി.സി ഉദുമ മണ്ഡലം കമ്മിറ്റിയുടെ കുടിവെള്ള പദ്ധതി തുടങ്ങി

  പഠന മികവിന് ആദരം ചൂടി ചെങ്കള പഞ്ചായത്തിന്റെ വിജയോത്സവം

  രാജ്യത്ത് അവഗണിക്കപ്പെട്ടവന്റെ ശബ്ദം ചവിട്ടിയമര്‍ത്തുന്നു -പ്രസന്ന

  ഹൃദ്യാലക്ഷ്മിയെ എന്‍.എ. നെല്ലിക്കുന്ന് എം.എല്‍.എ അനുമോദിച്ചു