updated on:2019-02-11 06:57 PM
ജില്ലാ ഇസ്‌ലാമിക് കലാമേളയില്‍ സൗത്ത് സോണ്‍ ജേതാക്കള്‍

www.utharadesam.com 2019-02-11 06:57 PM,
തളങ്കര: രണ്ടു രാവും പകലും തീരദേശമായ തളങ്കര പടിഞ്ഞാര്‍ പ്രദേശത്ത് കലയുടെ ആസ്വാദനം പകര്‍ന്നു നല്‍കിയ ഇസ്‌ലാമിക് കലാമേളയ്ക്ക് ഇന്നലെ രാത്രിയോടെ തിരശ്ശീല വീണു.
ജംഇയ്യത്തുല്‍ മുഅല്ലിമീന്‍ നേതൃത്വത്തില്‍ തളങ്കര പടിഞ്ഞാര്‍ സിറാജുര്‍ ഹുദാ മദ്രസയില്‍ നടന്ന മത്സരത്തില്‍ 574 പോയിന്റ് നേടി വിദ്യാര്‍ത്ഥി വിഭാഗത്തില്‍ സൗത്ത് സോണ്‍ ജേതാക്കളായി. 566 പോയിന്റ് നേടി നോര്‍ത്ത് സോണാണ് റണ്ണര്‍ അപ്പ്. മുഅല്ലിം വിഭാഗത്തില്‍ 181 പോയിന്റ് നേടി സൗത്ത് സോണ്‍ ഒന്നാം സ്ഥാനവും 165 പോയിന്റ് നേടി സെന്റര്‍ സോണ്‍ രണ്ടാം സ്ഥാനവും നേടി. ജൂനിയര്‍, സീനിയര്‍ വിഭാഗങ്ങളില്‍ സൗത്ത് സോണ്‍ ചാമ്പ്യന്‍മാരും നോര്‍ത്ത് സോണ്‍ റണ്ണേഴ്‌സ് അപ്പുമായി. സബ്ജൂനിയര്‍, സൂപ്പര്‍ സീനിയര്‍ വിഭാഗങ്ങളില്‍ നോര്‍ത്ത് സോണിനാണ് ചാമ്പ്യന്‍ഷിപ്പ്. സൗത്ത്‌സോണ്‍ സബ്ജൂനിയറിലും സെന്റര്‍ സോണ്‍ സൂപ്പര്‍ സീനിയറിലും റണ്ണേഴ്‌സ്അപ്പായി. സബ്ജൂനിയര്‍ വിഭാഗത്തില്‍ അന്‍വാറുല്‍ മദ്രസയിലെ മുഹമ്മദ് യാസിര്‍ ഹുസൈന്‍, മുഹമ്മദ് അല്‍ അമീന്‍ എ എന്നിവരും ജൂനിയര്‍ വിഭാഗത്തില്‍ ചെര്‍ക്കള ഖുവ്വത്തുല്‍ ഇസ്‌ലാം മദ്രസയിലെ കെ. മുഹമ്മദ് മിദ്‌ലാജ്, സീനിയര്‍ വിഭാഗത്തില്‍ മഞ്ചേശ്വരം റൈഞ്ചിലെ ഇശാഅത്തുല്‍ ഇസ്‌ലാം മദ്രസയിലെ മുഹമ്മദ് സഫ്‌വാന്‍, സൂപ്പര്‍ സീനിയര്‍ വിഭാഗത്തില്‍ കോട്ടിക്കുളം റൈഞ്ചിലെ അല്‍ മദ്രസത്തുല്‍ ഇസ്‌ലാമിയ്യയിലെ മുഹമ്മദ് റാഷിദ് പടിഞ്ഞാര്‍, മുഅല്ലിം വിഭാഗത്തില്‍ ചെറുവത്തൂര്‍ റൈഞ്ചിലെ മുനവ്വിറുല്‍ ഇസ്‌ലാം മദ്രസയിലെ ടി.കെ.അബ്ദുല്‍ റഹ്മാന്‍ ഫൈസി എന്നിവര്‍ കലാപ്രതിഭകളായി. സമാപന ചടങ്ങ് എന്‍.എ.നെല്ലിക്കുന്ന് എം.എല്‍.എ ഉദ്ഘാടനം ചെയ്തു.
മദ്രസ മാനേജ് മെന്റ് അസോസിയേഷന്‍ പ്രസിഡണ്ട് എം.എസ് തങ്ങള്‍ മദനി പ്രാര്‍ത്ഥന നടത്തി. ഹസൈനാര്‍ ഹാജി തളങ്കര അധ്യക്ഷതവഹിച്ചു.
ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡണ്ട് ടി.പി അലി ഫൈസി, യു.എം അബ്ദുല്‍ റഹ് മാന്‍ മൗലവി എന്നിവര്‍ ഓവറോള്‍ ട്രോഫി വിതരണം ചെയ്തു. യഹ്‌യ തളങ്കര, എം.എ. അബ്ദുല്‍ ഖാദര്‍ മാസ്റ്റര്‍, അസ്‌ലം പടിഞ്ഞാര്‍, അമാന്‍ അങ്കാര്‍, സിദ്ദീഖ് ഫാന്‍സി, അബ്ദുല്‍ റഹ്മാന്‍ ബാങ്കോട്, ഫിറോസ് പടിഞ്ഞാര്‍, റഷീദ് പടിഞ്ഞാര്‍ തുടങ്ങിയവര്‍ ചടങ്ങില്‍ സംബന്ധിച്ചു.



Recent News
  ചിന്ത രവീന്ദ്രന്‍ പുരസ്‌കാര ദാനവും സ്മാരക പ്രഭാഷണവും 28ന് കാസര്‍കോട്ട്

  കാസര്‍കോട് ബ്ലോക്ക് പഞ്ചായത്തിന് ലിഫ്റ്റ് സൗകര്യമുള്ള 4 നില കെട്ടിടം വരുന്നു

  കെ.എസ്.എസ്.എഫ്. ചികിത്സാസഹായം വിതരണം ചെയ്തു

  കാസര്‍കോടിന്റെ റെയില്‍വേ വികസനത്തിനായി മുറവിളി ഉയര്‍ത്തി ഉണ്ണിത്താന്‍ എം.പി

  കിംസ് സണ്‍റൈസില്‍ നൂതന സാങ്കേതികവിദ്യയോടെയുള്ള സി.ടി. സ്‌കാന്‍ യന്ത്രം

  ജില്ലയിലെ 13 പഞ്ചായത്തുകളില്‍ ഒരുമണിക്കൂറിനുള്ളില്‍ മൂന്നുലക്ഷം മുളത്തൈകള്‍ നട്ടുപിടിപ്പിച്ചു

  ഖത്തര്‍-കാസര്‍കോട് മുസ്ലിം ജമാഅത്തിന്റെ കനിവില്‍ എട്ട് കുടുംബങ്ങള്‍ക്ക് വീട്

  നിര്‍ധന കുടുംബത്തിന് ആസ്‌ക് ആലംപാടിയുടെ കൈത്താങ്ങ്

  കാസര്‍കോട് ഗവ. കോളേജില്‍ 25 വര്‍ഷം മുമ്പ് പടിയിറങ്ങിയവര്‍ സംഗമിക്കുന്നു

  ഭൂജലക്ഷാമം: കാസര്‍കോട്, മഞ്ചേശ്വരം താലൂക്കുകളില്‍ 3 ലക്ഷം മുളകള്‍ നടും

  വോട്ടിങ് മെഷീനില്‍ സ്‌കൂള്‍ ഇലക്ഷന്‍ നടത്തി താരമായി എട്ടാം ക്ലാസ്സുകാരന്‍

  ഡോ. അബ്ദുല്‍ ജലീലിന് ലണ്ടന്‍ യൂണിവേഴ്‌സിറ്റിയുടെ ബഹുമതി

  ഖസാക്കിലെ കാവിമുണ്ട് മതേതരത്വത്തിന്റെ പ്രതീകം -ഡോ. അംബികാസുതന്‍ മാങ്ങാട്

  ശക്തമായ വോട്ടെടുപ്പ്; കെ.അഹ്മദ് ഷെരീഫ് വീണ്ടും പ്രസിഡണ്ട്

  രക്തമൂല കോശ സാമ്യ നിര്‍ണ്ണയ ക്യാമ്പ് നടത്തി