updated on:2019-01-06 07:18 PM
ഇസ്ലാം സ്ത്രീകള്‍ക്ക് മഹത്തായ സ്ഥാനം നല്‍കിയ മതം -കാന്തപുരം അബൂബക്കര്‍ മുസ്‌ലിയാര്‍

www.utharadesam.com 2019-01-06 07:18 PM,
എരിയപ്പാടി: ലോകത്ത് സ്ത്രീകള്‍ക്ക് മഹത്തായ സ്ഥാനം നല്‍കിയ മതമാണ് ഇസ്ലാമെന്ന് അഖിലേന്ത്യ സുന്നി ജംഇയ്യത്തുല്‍ ഉലമ ജനറല്‍ സെക്രട്ടറി കാന്തപുരം എ.പി. അബൂബക്കര്‍ മുസ്ലിയാര്‍ പറഞ്ഞു. എരിയപ്പാടി കിംഗ്സ്റ്റാര്‍ ആര്‍ട്‌സ് ആന്റ് സ്‌പോര്‍ട്‌സ് ക്ലബ്ബിന്റെ ഇരുപതാം വാര്‍ഷികത്തോടനുബന്ധിച്ച് സംഘടിപ്പിച്ച കിംഗ് കാനോത്ത് സമൂഹവിവാഹം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പെണ്‍കുട്ടികളുടെ വിവാഹം നടത്തിക്കൊടുത്ത് നിര്‍ധന കുടുംബങ്ങളുടെ പ്രയാസം അകറ്റുന്നതില്‍ കിംഗ്‌സ്സ്റ്റാര്‍ പോലുള്ള ക്ലബ്ബുകള്‍ നടത്തുന്ന സേവനങ്ങള്‍ മഹത്തരമാണ്. ഏതൊരു സദുദ്യമത്തിനിറങ്ങുമ്പോഴും ആക്ഷേപങ്ങളും കുറ്റപ്പെടുത്തലുകളും ഉണ്ടായേക്കാം അവയൊന്നും കാര്യമാക്കാതെ നന്മയാര്‍ന്ന പ്രവര്‍ത്തനങ്ങളില്‍ യുവാക്കള്‍ സജീവ ശ്രദ്ധ പതിപ്പിച്ച് ജീവിക്കണമെന്നും കാന്തപുരം പറഞ്ഞു.
ആറ് യുവതി യുവാക്കള്‍ക്കാണ് കിംഗ് സ്റ്റാര്‍ വിവാഹ സൗഭാഗ്യം ഒരുക്കിയത്. പാണക്കാട് സയ്യിദ് നൗഫല്‍ അലി ശിഹാബ് തങ്ങളും കാന്തപുരം എ.പി. അബൂബക്കര്‍ മുസ്ലിയാരും നികാഹിന് കാര്‍മികത്വം വഹിച്ചു. പ്രോഗ്രാം കമ്മിറ്റി ചെയര്‍മാന്‍ ഹനീഫ വൈ.ഐ. അധ്യക്ഷത വഹിച്ചു. പ്രമുഖര്‍ സംബന്ധിച്ചു. തുടര്‍ന്ന് നടന്ന സാംസ്‌കാരിക സമ്മേളനത്തില്‍ കിംഗ് സ്റ്റാര്‍ പ്രസിഡണ്ട് എ. ബഷീര്‍ അധ്യക്ഷതവഹിച്ചു. ജില്ലാ പഞ്ചായത്ത് പ്രസിഡണ്ട് എ.ജി.സി. ബഷീര്‍ ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡണ്ട് ഷാഹിന സലീം, സംസ്ഥാന ഹജ്ജ് കമ്മിറ്റി അംഗം എല്‍ സുലൈഖ, ജില്ലാ പഞ്ചായത്ത് അംഗം മുംതാസ് സമീറ, ബ്ലോക്ക് പഞ്ചായത്ത് അംഗം ഖദീജ മഹ്മൂദ്, പ്രസ് ക്ലബ്ബ് പ്രസിഡണ്ട് ടി.എ. ഷാഫി തുടങ്ങിയവര്‍ സംസാരിച്ചു. പി.കെ. മഹ്മൂദ് ഹാജി, മുബാറക് മുഹമ്മദ് ഹാജി, ഇബ്രാഹിം ചെര്‍ക്കള, എസ്.എ. മൊയ്തീന്‍, ഹാഫിസ് ഖാദര്‍ അസ്സന്‍ എരിയപ്പാടി, ശെരീഫ് കരിപ്പൊടി, എസ്.ഐ. വിനോദ് കുമാര്‍, മുഹമ്മദ് കുഞ്ഞി എരിയപ്പാടി, ജാഫര്‍ ഖാസി, ഹസൈനാര്‍ എര്‍മാളം, എന്‍.എ. ഹമീദ്, ഹുസൈന്‍ എരിയാല്‍, സുശീല ടീച്ചര്‍ എന്നിവരെ ആദരിച്ചു. മുഹമ്മദ് കുഞ്ഞി എരിയപ്പാടി സ്വാഗതവും ഔഫ് ഇ.എ. നന്ദിയും പറഞ്ഞു.



Recent News
  പാണത്തൂര്‍ പി.എച്ച്.സിക്ക് പുതിയ കെട്ടിടം; കിടത്തി ചികിത്സ സൗകര്യം വേണമെന്ന് പഞ്ചായത്ത്

  രോഗനിര്‍ണ്ണയത്തിലും നിവാരണത്തിലും ഡോക്യുമെന്റേഷന്‍ അത്യാവശ്യഘടകം-അശോക് രാമന്‍

  ടി.കെ. നാരായണനും ഡോ.റിജിത് കൃഷ്ണനും പുരസ്‌കാരം

  ഖാസിയുടെ മരണം: നൂറാം ദിനത്തില്‍ നടന്ന സയ്യിദന്മാരുടെ സംഗമത്തില്‍ പ്രതിഷേധമിരമ്പി

  സൗജന്യ നിയമ സഹായവുമായി കലക്ടറേറ്റില്‍ ലീഗല്‍ എയിഡ് ക്ലിനിക്കിന് തുടക്കമായി

  സോഷ്യല്‍ മീഡിയ വഴി വ്യാജ വാര്‍ത്ത പ്രചരിപ്പിച്ചാല്‍ കര്‍ശന നടപടി -എസ്.പി.

  അരമങ്ങാനം ജംഗ്ഷനില്‍ ബസ് കാത്തിരിപ്പ് കേന്ദ്രം വേണമെന്ന ആവശ്യം ശക്തമാകുന്നു; മന്ത്രിക്ക് നിവേദനം നല്‍കി

  വിനോദിനി നാലപ്പാടം അവാര്‍ഡ് ഇ. പത്മാവതിക്ക്

  വിദ്യാര്‍ത്ഥികള്‍ വ്യത്യസ്തമാവുന്നത് സാമൂഹിക പ്രതിബദ്ധതയിലൂടെ -ഷാഫി പറമ്പില്‍ എം.എല്‍.എ

  പെരിയ എയര്‍സ്ട്രിപ്പ്: നടപടിക്രമങ്ങള്‍ പുരോഗമിക്കുന്നു

  'ഇശലില്‍ കനല്‍ തോറ്റിയ കവി' നാളെ പ്രദര്‍ശിപ്പിക്കും

  ഐ.എ.ഡിയുടെ ചികിത്സാരീതി കേന്ദ്ര ആയുഷ് മന്ത്രാലയത്തിന്റെ പരിഗണനയില്‍-പത്മശ്രീ വൈദ്യ രാജേഷ്

  ഖാസിയുടെ മരണം; സമരം നൂറാം ദിനത്തിലേക്ക്

  സിദ്ദീഖ് നദ്‌വി ചേരൂരിന് കണ്ണാടി ചരിത്ര പുരസ്‌കാരം

  മന്ത് രോഗ നിവാരണം: കൂടുതല്‍ ഗവേഷണ പഠനങ്ങള്‍ ഉണ്ടാവണം -പ്രൊഫ. ടെറന്‍സ് ജെ.റെയാന്‍