updated on:2019-01-05 06:09 PM
ആലിയയില്‍ നിര്‍ഭയ പരിശീലനം നടത്തി

www.utharadesam.com 2019-01-05 06:09 PM,
പരവനടുക്കം: സാമൂഹ്യ, വിദ്യാഭ്യാസ, തൊഴില്‍ രംഗങ്ങളില്‍ പെണ്‍കുട്ടികളുടെ മുന്നേറ്റം പ്രതീക്ഷ പകരുന്നതാണെന്ന് കാസര്‍കോട് എ.എസ്.പി. ശില്‍പ ഡി. ഐ.പി.എസ്. പറഞ്ഞു. വെല്ലുവിളി നിറഞ്ഞ മേഖലകളില്‍ പ്രവര്‍ത്തിക്കുമ്പോള്‍ അനാവശ്യ ഇടപെടലുകളും അക്രമവും ചെറുക്കാന്‍ സ്ത്രീകള്‍ സ്വയം പ്രതിരോധ പരിശീലനം കരസ്ഥമാക്കേണ്ടത് അനിവാര്യതയാണ്. ആലിയാ സീനിയര്‍ സെക്കണ്ടറി സ്‌കൂള്‍, ആലിയ അക്കാദമി, വിമന്‍സ് കോളേജ് എന്നിവിടങ്ങളിലെ വിദ്യാര്‍ത്ഥികള്‍ക്ക് നടത്തിയ നിര്‍ഭയ ദ്വിദിന സ്വയം പ്രതിരോധ സുരക്ഷാ പരിശീലനം ഉദ്ഘാടനം ചെയ്ത് സംസാരിക്കുകയായിരുന്നു അവര്‍. ആലിയ മാനേജിംഗ് കമ്മിറ്റി സെക്രട്ടറി എഞ്ചി: സി. എച്ച്. മുഹമ്മദ് സ്വാഗതം പറഞ്ഞു.
സര്‍ക്കിള്‍ ഇന്‍സ്‌പെക്ടര്‍ വി.വി. മനോജ് അധ്യക്ഷത വഹിച്ചു. ചെമ്മനാട് പഞ്ചായത്ത് മെമ്പര്‍ കെ. ഗീതാ ബാലകൃഷ്ണന്‍ മുഖ്യാതിഥിയായിരുന്നു. സി.ഇ.ഒ. ബിശ്‌റുദ്ദീന്‍ ശിര്‍ഖി മുഖ്യ പ്രഭാഷണം നടത്തി. എസ്.ഐമാരായ അജിത് കുമാര്‍ പി., ബിവീഷ് കെ., ആലിയ മാനേജിംഗ് കമ്മിറ്റി ട്രഷറര്‍ അബ്ദുല്ല മീത്തല്‍, കണ്‍വീനര്‍ ഹസന്‍ മാങ്ങാട്, ആലിയ അക്കാദമി പ്രിന്‍സിപ്പാള്‍ ടി.കെ. മുഹമ്മദലി, പി.ടി.എ. പ്രസിഡണ്ട് ടി.കെ. സിറാജുദ്ദീന്‍, ചന്ദ്രഗിരി ക്ലബ് പ്രസിഡണ്ട് അബ്ദുല്‍ഖാദര്‍ ചട്ടഞ്ചാല്‍, ഉദയകുമാര്‍ പെരിയ എന്നിവര്‍ സംസാരിച്ചു. ജനമൈത്രി കോര്‍ഡിനേറ്റര്‍ രാജീവന്‍ കെ.പി.ബി. നന്ദി പറഞ്ഞു. പ്രത്യേകപരിശീലനം സിദ്ധിച്ച സംസ്ഥാന പൊലീസ് സേനയിലെ വനിതാ ഓഫീസര്‍മാര്‍ നിര്‍ഭയ പരിശീലനത്തിന് നേതൃത്വം നല്‍കുന്നു. സമാന്തരമായി ആണ്‍കുട്ടികള്‍ക്ക് നടത്തുന്ന കരുത്ത് പരിപാടിയില്‍ ദുരന്ത നിവാരണം എന്ന വിഷയത്തില്‍ ഫയര്‍ ഓഫീസര്‍ മനോഹരനും നേതൃത്വം എന്ന വിഷയത്തില്‍ പി. മുഹമ്മദ് നിസാറും ക്ലാസെടുത്തു.



Recent News
  അസീസ് കരിപ്പൊടി അനുസ്മരണ യോഗം സംഘടിപ്പിച്ചു

  ലളിതകലാസദനം വീണ്ടുമുണരുന്നു; 'റബ്ഡി' 22ന് വേദിയിലെത്തും

  കെ.ഇ.എ. കുവൈത്ത് ഫെസ്റ്റ് ശ്രദ്ധേയമായി

  തളങ്കര പടിഞ്ഞാറില്‍ വെസ്റ്റേണ്‍ പ്രീ പ്രൈമറി സ്‌കൂള്‍ കെട്ടിടം ഉദ്ഘാടനം ചെയ്തു

  കോയിപ്പാടിയില്‍ കടല്‍ഭിത്തി നിര്‍മ്മിക്കാന്‍ സര്‍ക്കാറിനോട് ആവശ്യപ്പെടും -ഉണ്ണിത്താന്‍

  ഹൃദ്യലക്ഷ്മിയെ അനുമോദിച്ചു

  പി.എന്‍.പണിക്കര്‍ സ്മാരക അവാര്‍ഡ് ഷാഹിന സലീമിന്

  ജില്ലാ റൈഫിള്‍ അസോസിയേഷന്‍ ആസ്ഥാനമന്ദിരത്തിന് അമ്പലത്തറയില്‍ തറക്കല്ലിട്ടു

  ഗിരീഷ് കര്‍ണാടിന് ശ്രദ്ധാഞ്ജലി

  നാട്ടുകാര്‍ കൈകോര്‍ത്തു; പള്ളത്ത് വെളിച്ച വിപ്ലവം

  വിദ്യാര്‍ത്ഥികള്‍ ലക്ഷ്യബോധമുള്ള സ്വപ്‌നങ്ങള്‍ കാണണം-രാജ്‌മോഹന്‍ ഉണ്ണിത്താന്‍

  ലയണ്‍സ് ക്ലബ്ബ് സ്ഥാനാരോഹണം നടത്തി

  ലയം കലാക്ഷേത്രം ഉദ്ഘാടനം ചെയ്തു

  എന്‍ഡോസള്‍ഫാന്‍ ബാധിത മേഖലയില്‍ സാന്ത്വന സ്പര്‍ശവുമായി അവര്‍ വീണ്ടുമെത്തി

  രുചിയുടെ വൈവിധ്യങ്ങളുമായി ചക്ക മഹോത്സവം