updated on:2018-11-26 06:26 PM
ആവേശത്തേരിലേറി യൂത്ത് ലീഗ് യുവജന പദയാത്ര; എങ്ങും വന്‍വരവേല്‍പ്പ്

www.utharadesam.com 2018-11-26 06:26 PM,
കാസര്‍കോട്: മുസ്‌ലിം യൂത്ത് ലീഗ് യുവജനയാത്രക്ക് എങ്ങും ആവേശ്വോജ്ജ്വല വരവേല്‍പ്പ്. ഇന്നലെ രാവിലെ കുമ്പളയില്‍ നിന്നും പ്രയാണമാരംഭിച്ച യാത്ര വൈകിട്ട് നായന്മാര്‍മൂലയില്‍ സമാപിച്ചു. പ്രസിഡണ്ട് പാണക്കാട് സയ്യിദ് മുനവ്വറലി ശിഹാബ് തങ്ങള്‍ നേതൃത്വം നല്‍കുന്ന യാത്രയില്‍ നൂറുകണക്കിന് പ്രവര്‍ത്തകരാണ് അണിനിരന്നത്. വഴിയുലടനീളം നൂറുകണക്കിനാളുകള്‍ ജാഥയെ ആശിര്‍വദിക്കാന്‍ എത്തിയിരുന്നു. വിവിധ ഭാഗങ്ങളില്‍ കുട്ടികളും സ്ത്രീകളും അടക്കമുള്ളവര്‍ ജാഥ കാണാനെത്തിയിരുന്നു.
കുമ്പളയില്‍ ഇന്നലെ നടന്ന പൊതുസമ്മേളനം മുസ്‌ലിംലീഗ് സംസ്ഥാന സെക്രട്ടറി പി.എം.എ. സലാം ഉദ്ഘാടനം ചെയ്തു. യൂത്ത്‌ലീഗ് ജില്ലാ വൈസ് പ്രസിഡണ്ട് യൂസുഫ് ഉളുവാര്‍ അധ്യക്ഷത വഹിച്ചു. കേരളത്തില്‍ വര്‍ഗ്ഗീയതയും വിഭാഗീയതയും ശക്തമാക്കാനുള്ള പരിശ്രമങ്ങള്‍ സജീവമാണെന്നും ഇതിനെതിരെ പ്രായോഗികവും പ്രാദേശികവുമായ ഇടപെടലുകള്‍ അനിവാര്യമാണെന്നും ജാഥാ നായകന്‍ സയ്യിദ് മുനവ്വറലി ശിഹാബ് തങ്ങള്‍ പ്രസ്താവിച്ചു.
എം.എല്‍.എമാരായ എന്‍.എ. നെല്ലിക്കുന്ന്, സി. മമ്മുട്ടി, ആബിദ് ഹുസൈന്‍ തങ്ങള്‍, പി. ഉബൈദുള്ള, ടി.വി. ഇബ്രാഹിം, ഷിബു മീരാന്‍ പ്രസംഗിച്ചു.
എരിയാലില്‍ നടന്ന സ്വീകരണ സമ്മേളനത്തില്‍ മുസ്‌ലിംലീഗ് സംസ്ഥാന ട്രഷറര്‍ സി.ടി. അഹമ്മദലി, സെക്രട്ടറിമാരായ അബ്ദുല്‍റഹ്മാന്‍ രണ്ടത്താണി, അഡ്വ. എന്‍. ശംസുദ്ദീന്‍ എം.എല്‍.എ, ജില്ലാ മുസ്‌ലിംലീഗ് പ്രസിഡണ്ട് എം.സി. ഖമറുദ്ദീന്‍, എ. അബ്ദുല്‍റഹ്മാന്‍, എ.ജി.സി. ബഷീര്‍, അഡ്വ. ഫൈസല്‍ ബാബു പ്രസംഗിച്ചു.
നായന്മാര്‍മൂലയില്‍ നടന്ന സമാപന സമ്മേളനം അഡ്വ. കെ.എന്‍.എ. ഖാദര്‍ ഉദ്ഘാടനം ചെയ്തു. യൂത്ത്‌ലീഗ് ജില്ലാ പ്രസിഡണ്ട് അഷ്‌റഫ് എടനീര്‍ അധ്യക്ഷത വഹിച്ചു. ജാഥ ഉപനായകന്‍ പി.കെ. ഫിറോസ്, ഡയരക്ടര്‍ എം.എ. സമദ്, കോ-ഓര്‍ഡിനേറ്റര്‍ നജീബ് കാന്തപുരം സംസാരിച്ചു.
ഇന്ന് രാവിലെ ഉദുമയില്‍ നിന്നാരംഭിച്ച പ്രയാണ ജാഥ ഉച്ചയ്ക്ക് പള്ളിക്കരയിലെ സ്വീകരണത്തിന് ശേഷം വൈകിട്ട് 6 മണിക്ക് കാഞ്ഞങ്ങാട്ട് സമാപിക്കും.



Recent News
  യോഗി ആദിത്യനാഥ് എത്തുന്നു; ഹിന്ദുസമാജോത്സവം നാളെ

  കെ.എം. അഹ്മദ് അനുസ്മരണവും ഗോപീകൃഷ്ണന് അവാര്‍ഡ് ദാനവും തിങ്കളാഴ്ച

  സംസ്ഥാന സ്‌കൂള്‍ കലോത്സവം: ജില്ലയ്ക്ക് പതാക കൈമാറി

  അലാമികള്‍ ഇന്ന് അരങ്ങിലേക്ക്

  അധ്യാപകരും ജീവനക്കാരും ജില്ലാ വിദ്യാഭ്യാസ ഓഫീസിലേക്ക് പ്രതിഷേധമാര്‍ച്ച് നടത്തി

  സംസ്ഥാന സ്‌കൂള്‍ കലോത്സവം: മികച്ച നേട്ടവുമായി ടി.ഐ.എച്ച്.എസ്.എസ്.

  റോഡ് നന്നാക്കിയില്ല; ഡി.വൈ.എഫ്.ഐ. ഉപരോധിച്ചു

  ശാന്തിയും സമാധാനവും വിളിച്ചോതി കാസര്‍കോട്ട് ക്രിസ്തുമസ് ഫെസ്റ്റ് സംഘടിപ്പിച്ചു

  തളങ്കര മുസ്ലിം ഹൈസ്‌കൂളില്‍ ഔഷധത്തോട്ടമൊരുക്കി; ബോധവല്‍ക്കരണ ക്ലാസുകള്‍ സംഘടിപ്പിച്ചു

  കഥകളിയുമായി മഹാകവി പിയുടെ കൊച്ചുമകന്‍ സ്വിസ്റ്റ്‌സര്‍ലാന്റില്‍

  ഹിന്ദുസമാജോത്സവം 16ന്; യോഗി ആദിത്യനാഥ് എത്തും

  ദിനേശ് ഇന്‍സൈറ്റിന്റെ ഫോട്ടോ പ്രദര്‍ശനം 29ന്

  കൊപ്പല്‍ അബ്ദുല്ല നന്മകളെ ജീവിതമുദ്രയാക്കി -പ്രൊഫ. എ.പി. അബ്ദുല്‍ വഹാബ്

  കുറ്റകൃത്യങ്ങളില്‍ നിന്ന് അകന്നുനില്‍ക്കാം; വിദ്യാര്‍ത്ഥികള്‍ക്ക് ബോധവല്‍ക്കരണ ക്ലാസ് നടത്തി

  ഭിന്ന ശേഷി സൗഹൃദ സദസ്സും മുച്ചക്ര റാലിയും സംഘടിപ്പിച്ചു